كبة الجريش بالشوربة بالطريقة العراقية
بواسطة: زينب الحسن
تاريخ الوصفة: 12/03/2023
طريقة عمل كبة الجريش بالشوربة بالطريقة العراقية بالصور من زينب الحسن
وصفة كبة الشوربة العراقية
المكونات والمقادير لعمل كبة الجريش بالشوربة بالطريقة العراقية :
مكونات ومقادير عجينة الكبه :
كوب جريش ناعم
كوب سميد ناعم
كوب برغل ناعم
رشة ملح
رشة فلفل اسود
رشة كمون
٢ كوب ماء دافي
مكونات ومقادير حشوة الكبة :
بصل ناعم
ثوم مهروس
لحم مثروم ناعم
كرفس
ملح
فلفل اسود
اي بهار حابين اني اكتفي بالفلفل
لوز وكشمش اختياري
مكونات ومقادير شوربة الكبة:
راس بصل مثروم ناعم
ملعقة معجون طماطة
ملح
ماء مغلي
شعرية
معكرونة
الطريقة لعمل وتحضير كبة الجريش بالشوربة بالطريقة العراقية :
لعمل العجينة
ناخذ كوب جريش ناعم وكوب سميد ناعم مع كوب برغل ناعم
(اذا مو متوفر السميد تخلون كوبين جريش ناعم وكوب برغل)
نخلطهم ونرش عليهم رشة ملح ورشة فلفل اسود ورشة كمون
ونقلبهم ونعجنه ٢ كوب ماء دافي
ونغطي ونتركه بمكان دافي
وبعد ربع ساعه نرجع نعجنه بيدنه تمام نشوف العجينه بدت تتماسك وتلين وبعد منشوفها صارت تمام وتنفتح بيدنه ( طرية )
لعمل الحشوه :
نحمس بصل ناعم وثوم مهروس
ونضيف لحم مثروم ناعم
وكرفس وملح وفلفل اسود
وتگدرون تضيفون اي بهار حابين اني اكتفي بالفلفل والملح
واضفت لوز وكشمش
حسب رغبتكم اختياري اخلي بكبة البرغل اللوز والكشمش تطلع رهيبة
وبالاخير اضيف كمية من البقدونس
واشيلها من النار واخلط المكونات واخليها تبرد
ملاحظة : الحشوة تبرد بالثلاجة تمام ومن بعدها نحشي افضل
وجهزنا العجينة والحشوة والان نشكل الكبة
احشيها والفها بالشكل اللي ترغبونه وحسب لفة ايدكم
نستخدم المي بيدنه ( نبلل ايدنه بالمي )من نلف الكبة
لعمل الشوربة الحمراء :
بحدر احمس راس بصل مثروم ناعم واضيف عليه ملعقة معجون طماطة
ومقدار الملح واحمسهم
واضيف عليهم مي مغلي كمية
واتركه يفور خمس دقايق
وبعدها اضيف شعرية ومعكرونة
واقلبه
واضيف الكبة
واقلبه
واغطيه واتركها تستوي وتصير جاهزة الشوربة والكبة حوالي 20 دقيقه
وتقدم كبة الجريش العراقية بالشوربة الحمراء
صحتين وعافية ❤️
