افضل عجينة فطائر مثل القطن

طريقة عمل افضل عجينة فطائر مثل القطن الصور عبير العميرة


عجينة طريّه طروآتها مو طبيعيه 😍👌

مكونات ومقادير وطريقة العجينة :
بالبدايه استخدمت الأكواب والملاعق المعياريه ..

كوبين طحين كويتي
ربع م ص ملح
م ص خميرة
م ك سكر
نص م ص بيكنج بودر
ربع كوب زيت خفيف مثل دوار الشمس
بياض بيضه وحده بحرارة المطبخ
وتخلطون معها م ص خل أبيض

نص كوب جبنة فلاديفيا بحرارة المطبخ ..

تعجنونهم مع بعض وبعدين تضيفون ربع كوب ماء دافي
وتعجنون مضبوط من قلب لين تصير العجينه ناعمه وملساء




و تخلونها تتخمر لمدة ساعه وتشتغلون عليها




تطبيقي للعجينة عملت منها فطاير

مكونات وعمل حشوة الخضروات اللذيذه 😋👌🏻 |

1- نسلق 3 حبات بطاطس حجم وسط وبعد ما تستوي نشيل شوي من كمية الماء نخلي تقريباً كوب ونص
و نضيف عليه ( بهارات ايطاليه + بابريكا + فلفل أحمر و أسود + شوي كركم + ثوم وبصل بودره + ملح )
وبعدين نخلطهم بالخلاط لين يصير الخليط مره ناعم .
2- في تاوه وسيعه نشوح شرائح بصل مقطعه رفيعه
مع زيت زيتون لين يذبل .
3- بعدين أضفت فلفل رومي ملون مقطع مكعبات وجزر وكوسه وعاد أنتم حطو اللي تحبون من الخضروات .
ونشوّح لين تبدأ تلين وتنسجم مع بعض .
4- نبدأ نضيف خليط البطاطس ونغطّي على الخضروات ونحرّك كل شوي عشان مايلزق بأسفل القدر لين تستوي وتتسبك مع بعض .
5- نطفّي عنها النار وبعدين نضيف بقدونس وكزبره مفرومه وإذا حبيتو شوي شبت مفروم
ولمن تشكّلون المعجنات تخلونها ترتاح ربع ساعه










وتدخلونها فرن مسبق التسخين على درجة 400 فهرنهايت أو 200 درجه مئويه بالرف الوسط

وماتخلونها تطول عن ربع ساعه بالفرن
وأول ماتطلع تلفون ع الصينيه منشفه نظيفه
وفوق المنشفه كيس

وتخلونها لين تدفى واستمتعو بالطرواه

متأكده بتتسدحون عليها وبتدعون لي

ويمكن تفتحون مشروع على هالعجينه << كأني تحمست 😂🙊

بس والله من قوّة ما هي عاجبتني ودي أذوقكم إياها 😘 .




وعساها ألف عافيه على قلوبكم