كبة بسياخ بالفرن

طريقة عمل كبة بسياخ بالفرن


الكبة بسياخ وصفة لذيذة وسريعة وبطريقة كتير سهلة وطعم مميز 🔥🔥

لتحضير وصفتنا كبة بسياخ نحتاج مكونات :
كيلو لحمة
فنجان قهوة برغل غامق
فنجان قهوة فريكة
فنجان قهوة جوز
فليفلة 🫑 خضراء
فليفلة حمراء
بصلتين كبار
ملعقة دبس فليفلة
فنجان جوز
ملح فلفل اسود سبع بهارات جوزة الطيب

لعمل كبة بسياخ اول خطوة :
نقعت البرغل مع الفريكة مع الجوز بماء ساخن مقدار كاسة لمدة ٣ ساعات
بمحضرة الطعام فرمت بصلة متوسطة الحجم
وضفت عليها البرغل والفريكة والجوز
وطحنتهم كتير كويس
وضفت عليهم ربع كيلو لحمة حتى تختلط المكونات كلها مع بعض

اخذت الخليط وصفتو على اللحمة يلي عندي وحطيت عليها البهارات
وشكلتها كرات متوسطة الحجم وزينت وجهها بالصنوبر

بصينية الفرن حطيت سمنة
وفوق كل كرة لحمة سمنة

وغطيتها بسلفان
ودخلتها على الفرن الرف الوسط لمدة ٢٠دقيقة
وكشفت الفويل وكملت شويها

بطنجرة على النار حطيت زيت نباتي
وضفت عليه جوانح البصل كم تقليبة

وضفت عليه دبس فليفلة
وقلبتهن لمدة دقيقة

وضفت الفليفلة المقطعة جوانح وقلبتهن لمدة دقيقة
وضفت الجوز
وقلبت كل المكونات مع بعض على نار هادية حوالي خمس دقايق

حطيت الكبة بسياخ بطبق التقديم
وضفت عليها الخضار
وحطيت قطعة فويل بقلبها ملعقة صغيرة زيت
وشغلة فحمة
وحطيتها بقلب الزيت
وغطيت الطبق كتير كويس بفويل لمدة عشر دقايق
وصار عنا اطيب كبة بسياخ كانها مشوية على الفحم جربوها كتير طعمها مميز سر النكهة الجوز والفريكة