مضروبة بحرينية

طريقة عمل مضروبة بحرينية


طريقة عمل مضروبة الدجاج بالارز المصري بالطريقة البحرينيه

والمضروبة طبق شعبي واكلة من المطبخ البحريني الشعبي


مكونات و مقادير وطريقة عمل وتحضير المضروبة البحرينية :

بجدر على النار
نضيف زيت وسمن وثوم وزنجبيل مهروس ونحمسهم
ونضيف دجاجة مقطعه ٤ قطع منزوعه الجلد
ونضيف كزبرة وكمون وهيل وكركم وبهار مشكل ودارسين مطحون ولومي أسود
ونحمس الدجاج مع البهارات

ونضيف لهم شبنت وكزبرة وبقدونس ومعجون طماطم وطماط مكعبات
ونصب عليه الماي لين يغمر الدجاج
وأول مايغلي الماي
نضيف ٥ أكواب رز مصري مغسول ومشخول
وملح حسب الرغبة
ونغطي الجدر بألمنيوم على نار هادية لمدة ٣٥ دقيقه
وبعدها نشيل العظام من الدجاج
وبعدين نضرب المضروبة بمضرب الهريس لين يصير القوام ناعم
ونغطي الجدر لمدة ربع ساعه عشان تتسبك

ونصب مضروبة الدجاج بصحن التقديم
ونزينها بالسمن
وبالعافية