طريقة المحموص القطيفي

طريقة عمل المحموص القطيفي



المَحمُوص أو العيش المحموص أو الرز المحموص او عيش الحسين هي وجبة سعودية تتكون من الأرز والبصل المُحَمّص، وتنتشر عند اهل القطيف وبعض مناطق الأحساء والبحرين، يمتاز المحموص بلونه البُنّي الغامق المائل إلى السواد نتيجة وجود كميات كبيرة من البصل المحمص بالزيت والليمون الأسود الجاف، يُضاف للمحموص الأسماك واللحوم والدجاج والروبيان

واليوم نتعرف على طريقة طبخ المحموص القطيفي بالدجاج

المكونات لعمل المحموص القطيفي :

دجاج
كمية كبيرة من البصل ثوم
بهارات صحيحة
ملح
فلفل اسود
لومي
بهارات مشكله
كركم
عيش مغسول ومنقوع ( رز )

الطريقة لعمل المحموص القطيفي :

في جدر نحمس البصل
نضيف له بخة ماي الى ان يتكرمل البصل
نضيف كمية زيت تغطي البص
ونستمر بالتحريك على نار بين العالية والمتوسطة لين يوصل للون البني الغامج
ونضيف البهارات الصحيحة والناعمه والثوم
ونخليه لين يغمج شوي
نضيف بخة ماي ونغطي الجدر لمدة ٣ دقايق
بعدين ننزل الدجاج ونقلب فيه لمدة ١٥ دقيقه لين ياخذ الصبغه البنية
نضيف ماي لين يغطيه
ونتركه لمدة ٣٥ دقيقه.
بعد ما استوى الدجاج
نرفعه ونخليه بالبايركس وندخله الفرن عشان يتحمر
وننزل العيش المغسول على ماي الدجاج
ولما ينشف ماي العيش بدون تحريك

نقصر النار ونخليه لمدة ٢٠ دقيقه لين يستوي العيش
وبالعافية