عصيدة طحين بر

طريقة عمل عصيدة طحين بر بالصور


جبت لكم العصيدة

سويت امس عصيدة بالطحين البر حق فطورنا .. وجبتها اشارككم فيه واحط طريقتها هنا تستفيدون منها

مكونات ومقادير عمل عصيدة بالطحين البر:



راح تحتاجون الى :
كاسين ونص طحين بر انا احب اتعامل مع طحين فوم

كاس دبس التمر

كاسين ونص ماي ..
ملعقة طعام فلفل اسود

الطريقة لتحضير وعمل عصيدة بالطحين البر :

اخلطي الدقيق والماء والدبس بخلاط الكيك او بأي الة خلط عندك
انا حطيتهم في هذي الاله

صبي بس كاسين ماي بالخلاط

وخلي نص الكاس الباقي لبعدين





اخلطيهم لمن يمتزجون زين
بعدين صبي الخليط بقدر
وحطي نص الكاس الماي الباقي
ورشي عليهم ملعقة فلفل اسود ..





غطي القدر

ودخليه داخل الفرن لمدة ساعة الى ساعة ونص
الفرن نار من تحت من داخل الفرن .. وانا فرني كهربائي
وحركية بين الحين والاخر
لمن تشوفين لونها اغمق وصارت فيها فقاعات ..
اغرفي عصيدة بالطحين البر بصحن التقديم
وزينيها بالدهن العداني ..




عوافي