السليق لشخصين

طريقة عمل السليق لشخصين



المقادير والطريقة لعمل السليق لشخصين :


اسلقي نصف دجاجه

وحطي عليه ملح لحد مايستوي
وبعدين خرجي الدجاجه من المرقه وحمريها في الفرن

اغسلي كاسه مويه رز ابو سيوف او ابو بنت
وحطيه في مويه السلق حق الدجاج لحد مايستوي
اذا نقصت المويه زيديها مويه حاره
ولين تشوفي الحبه مره استوت

حطي ملعقه كبيره حليب على نصف كاسه مويه حاره

وقلبيها وحطيها على الرز
وغطي عليها لحد ما يثقل احنا نقول يتمخمخ زين
وحطي عليها قليل زبده قليل
وقلبيها بالملعقه الكبيره زين وطفي النار

وباالعافيه

السلطه الحمراء :


حطي في الخلاط

طماطم وحبه ثوم وكزبره وفلفل حار وقليل مويه
واخلطيها بس مو مره تخلطيها
وعند الغرف حطي عليها قليل خل او ليمون وملح
وبالعافيه
واغرفي السليق في الصحن وحطي فوقه الدجاج وزينيه بالصوص
وخلاص