جريش عبير العميرة

طريقة عمل جريش عبير العميرة


الجريش اللذيذ بالدجاج عشقي هالجريش
الله يخلي لي ماما ويطول بعمرها ، تسهل لي الأكل وأضبطه من أول مره وان شاء الله تجربونه ويضبط معكم . .

المقادير والطريقه لعمل الجريش :

٤أكواب جريش + نص كوب رز مصري
نغسلهم وننقعهم ساعه .
+ بصله كبيره نقطعها قطع صغيره .
+ صدر دجاج مقطع قطع وسط
نضع في القدر 12 كوب ماء
وإذا بدأ بالغليان نضيف البصل والدجاج والملح وشوي زيت أو زبده
ونضيف له الجريش بعد تصفيته
وإذا بدى يغلي نضع الفلفل الأحمر والأخضر
ثم نتركه على نار خفيفه لمدة ٣ساعات
( بدون تحريك )

بعدين نضيف كوبين لبن طبيعي أو أي نوع وملعقه صغيره كمون وعصير ليمونه
ونحركه حتى يتجانس
ونتركه ربع ساعه
بعدين نغرف الجريش في طبق التقديم
ونزينه بالكشنه والفلافل الحاره ..

لعمل كشنة الجريش :

بصله مقطعه صغير ونضيف لها شوي زيت وملعقة زبده ونضيف له ملعقه صغيره كمون وملعقه صغيره فلفل أسود وملعقه كبيره مسمنه وملعقه صغيره صلصه وتترك على نار خفيفه حتى يستوي البصل ويذبل . وبألف عافيه على قلوبكم .,


ملاحظه :

١: نوع الجريش صورته بالاسفل وهو جريش تركي
٢: اللي مايبي الدجاج يتبع نفس الطريقه ويحذف الدجاج


هذا نوع الجريش



عوافي