حنيني بالقشطه

طريقة عمل حنيني بالقشطه بالصور



جبت لكم بحنيني يخليكم تقولون باي باي يا حنيني الصالحيه


مكونات و مقادير الحنيني بالقشطه :

2 ك تمر بدون النوى ومقطع صغير
قشطة
زبده او سمن بري

مقادير عجينة الخبز :

1/2و1 ك دقيق اسمر (بر)
ملعقه صغيره خميره فوريه
ملعقة اكل سكر
3 ملاعق اكل حليب بودره
ملعقه شاي هيل مطحون
ملعقة صغيره قرفه مطحونه
1 ك ونصف الكاس ماء دافئ

طريقة اعداد وتحضير وعمل الحنيني بالقشطه :

تعجن مكونات العجينه وتصير عندنا عجينه اثقل من عجينة البان كيك او اخف من عجينة اللقيمات بشوي

وبعدين نجيب قدر ويفضل قدر ما يلصق فيه الاكل مثل التيفال حتى يصير شغلك سهل

ونحط فيه تقريبا ملعقتين اكل زبده او سمن بري (الذ بكثير بالسمن البري لكن حسب المتوفر)
ونفرد العجينة على قاعده القدر وندخلها الفرن ونتركها ثواني حتى تنشف من تحت وتتحمر

ونبدا بالتقليب والتحريك وبنفس الوقت حاولي تقطعينه بالملعقه لحتى تتفتت وتتحمص الخبزه زين وما تكون عجينه يعني تستوي مظبوط

عاد نكون مجهزين التمر بدون النوى ونصف علبة قشطه >>>>هنا السر حتى تصير لذيذه مثل حنيني الصالحيه

ونضيف التمر والقشطه ونقلب ونحرك لحتى تختفي القشطه

وقدميها الحنيني ساخن مع القهوة العربيه طبعا

وبالعافيه على قلوبكم




وبالعافيه 💙