المطبق السعودي

بواسطة: قصيميه

تاريخ الوصفة: 22/03/2021

طريقة عمل المطبق السعودي بالصور

طريقة سهلة لعمل المطبق

الطريقه والمقادير مع بعض : ..

نسوي الحشوه أول شي .

نحط اللحم المفروم ع النار لين يطلع مويته ثم تنشف بعدين نحط عليه بصل مقطع مكعبات صغيره ونحط عليه فلفل اسود وملح وشوي بهارات وشوي كزبره مفرومه .

ونقلب لما نحس ان البصل ذبل وكلش استوى .

نخلي اللحم على جنب .

نجيب بيضتين ونخفقهم مع شوي ملح وفلفل اسود ..
ونجيب كراث مقطع لشرايح صغيره ونحطه ع البيض ونحط معهم اللحم , طبعا نحط اللحم والكراث بكميه مناسبه مع البيض بحيث انه مايصير عندنا البيض كثير ويصير الخليط سايل ويحوسنا , ونقلبهم مع بعض .

الحين نجيب طبقات ورق المطبق تباع جاهزه في كل المحلات

ونحط اللحم فيه بالنص مثل كذا :

لا حظو ان البيض ما يبين ..

ونقفل الاطراف اللي ع اليمين واليسار بـ ( ماي وطحين )

وبعدين نقفل الأطراف اللي فوق وتحت ..

ونصفه بصينيه

وندهنه بشوي زيت ..

وندخل المطبق الفرن

واذا تحمر المطبق نقطعه

ونقدمه ..

وهنا وعافية