بان كيك الماني
بواسطة: قصيمية
تاريخ الوصفة: 19/03/2021
سويت بان كيك الماني فطور لذيذ طعمه بين البان كيك والكريب شكله خيال تقدرون تاكلونه فطور او حلى
المقادير
٣ بيضات، بدرجة حرارة الغرفة
٢/٣ اكواب حليب كامل الدسم، بدرجة حرارة الغرفة
٢/٣ كوب طحين
١ ملعقة صغيره فانيليا
قشر ليمونه مبشور
رشة ملح
١/٤ كوب زبده غير مملحه
سكر بودرة للزينه
(فواكه طازجة للزينه (فراولة، توت، موز
الطريقة
١- بالخلاط، نخلط البيض، الحليب،، الطحين ، الفانيليا، قشر الليمون، الملح، لحد مايتجانس، نخليه يرتاح بعد الخلط بالخلاط لمده ٢٠ دقيقه
٢-بهذا الوقت نفتح الفرن على ٤٥٠، ونحط المقلايه الحديد جوا، وهي فاضيه طبعا
٣- بعد ماتخلص ال٢٠ دقيقه، نطلع المقلايه من الفرن(بتكون حاره) نحط الزبده بالمقلايه و نخليها تذوب ونتاكد انها غطت كل اطراف المقلايه
٤- نصب الخليط بالمقلايه وندخله الفرن
٥- نخليه بالفرن لمده ٢٠ دقيقه(اذا مقلايتكم صغيره يكفيها ١٠ دقيقه) الين تحمر الاطراف، اهم شي لاتفتحون الفرن ابدا
٦- نطلعها من الفرن، نرش السكر البودرة، ونحط قطع زبده والفواكه
