فطور رمضان لشخصين
بواسطة: عطري أنفاسه
تاريخ الوصفة: 21/02/2021
السلآم عليكم ورحمة الله
الله يجعلنا ممن تقبل صيامه وقيامه وغفر له ...
وأن يعيد علينا رمضان أعواما عديدة وأزمنة مديدة بصحة وعافية وسلامة
( اللهم لك الحمد على نعمك التي لا تعد ولا تحصى ,, واسألك اللهم أن تحفظها من الزوال )
اليوم قلت ليش ما أعمل فطور مميز و سفرة إفطار لشخصين أنا وزوجي فقط والحمدلله عجبته حيل
حيآآكم على سفرتنا وإعذرونا على قل الكلافة
سفرة إفطار لشخصين سويت فيها :
كفتة البطاطس
فتة باذنجان
كروسون وصفائح لحمة
قطايف عصافيري بالجبن
شوربة
فول
خبز
وطبعا التمر والقهوة والفيمتو لابد منها على أي سفرة برمضان
طريقة عمل كفتة البطاطس باللحمة
طريقة عملها هي :
خذي لك كم حبة بطاطس كبيرة وقشريها وقطعيها وأسلقيها
بعد ماتنسلق صفيها من المويا حقت السلق وأهرسيها بالشووكة وحطي معها شوي ملح وملعقة كبيرة بقسماط
وجهزي حشوة اللحمة المفرومة بالطريقة اللي تعمليها داائم للحشوات
وخذي من البطاطس كمية صغيرة قد صفار البيضة وطبطبيها بيدك بعد ماتدهني يدك بزيت طبعاً وحطي الحشوة وغطيها بطبقة ثانية من البطاطس وجمعي أطرافهم على بعض وطبطبيها عشان تصير مسطحة << ياازين الوصف بس خخخخخخخخخ
وبعد ماتخلصين غمسيهم ببيض بعدو ببقسماط وإقليهم
طريقة عمل فتة الباذنجان
المقادير
4باذنجان
1بطاطس
بصلة
2طماطم
شوي زيت
فلفل احمر بودرة
فلفل اسود مطحون
م ص بهار مشكل
نص مكعب ماجي
شوي ملح
شوي سكر مطحون
2 م كتشب
علبة زبادي
م ط مايونيز
فص ثوم واحد
بقدونس كثير للتزيين مهم للطعم
الطريقة
نقطع الباذنجان صغار ونقليه
بعدين نرش عليه1م ص سكر مطحون (هذا سر خطييييير لاي باذنجان مقلي عشان يشيل مرارته)
ونرش شوي ملح
بعدين نقطع البطاطس صغار ونقليه ونملحه شوي ونحطه فوق الباذنجان
نقطع البصل صغار ونحطه بقدر ونحط شوي زيت وعلى نار هادية حتى يلين فقط بعد ذلك
نحط عليه الطماط المقطع صغار ونتركه مع البصل حتى يتسبك
بعدين نحط عليه البهار والكتشب والفلفل والماجي والملح و نص م ص سكر مطحون ونحركه و نسكر النار
بعد كذا نحط الكشنه الحمرا على الباذنجان والبطاطس ونحرص ان تكون كل طبقة اقل من الي قبلها بحيث تبان كل طبقة زي كذا بعدين نجيب علبة الزبادي ونخضها زين بعدين نفتحها ونضع عليها م ط مايونيز وفص الثوم ونقوم بخلطها وبعد ذلك
نصبها فوق الكشنه ونزين الاطراف ببقدونس كثير
يم يم لاتفوتكم
زوم أقررب لفتّــة الباذنجان بعد الغرف وواضح فيها الطبقات مشهية << يمممي فعلا لذيذة
طريقة عمل كروسون وصفائح اللحمة
بالنسبة لعجينتي للي سألت عنها
دقيق أبيض // ماي // فنجال قهوة زيت أو أقل بقليل // 3 ملاعق حليب بودرة // ملعقتين زبادي // ملح // نصف ملعقة سكر// ملعقة كبيرة خميرة فورية // ملعقة كبيرة بيكنج بودر //
طريقة العجن :
نذوب الخميرة والسكر بماء داافي (( مو ساخن لاتخرب الخميرة عليكي )) ونتركها مغطاه عشان تتفاعل حدود 5 دقايق
ونضع الزبادي والزيت والملح والحليب بودرة ونذووبهم عدددددل
ثم نضع البيكنج بودر ونذوبه بالخليط وآخيرا الدقيق نضعه تدريجياً ونعجن (( النقطة الأهم بالتخمير ونجاح العجينة هو إنك تطولي تعجني حتى بعد ماتصير معك عجينة متماسكة ضلي تعجنين عشان تتوزع الخميرررررررة صح بكل العجينة ))
وتمسحيها بشوووي زيت زيتون وتغطيها وتتركيها لمدة ساعة إلى ساعة ونص تخمر
بعدين إفرديها وإستخدميها بكل معجناتك زي ماتبغي
وآخيراً الحلى كان قطايف عصافيري بالجبن
وهذي طريقة عمل القطايف
المقادير/
2 ك ماء
2 ك دقيق
بيالة سكر م ك خميره
بيالة زيت
ذرة ملح
الطريقه /
توضع جميع المقادير في الخلاط وتخلط حتى تتجانس
تاخذين صاج او تاوه وتحمينها زين وبعدين خففي النار خليها وسط وصبي دوائرصغيره
وتتركينها حتى تتحمر من تحت بس لاتقلبينها
حطيها على جنب واتركيها شوي
الحشوه /
انا مره احشيها جبن كيري ومره نشاء واحيانا جبن سايل وكمان القشطه تطلع لذيذه
يعني انتي ورغبتك بالحشوه
بعد ماتجهزين الحشوه اللي تبينها
خذي مقدار ملعقه صغيره منها وحطيها على القطايف واقفليها بيدك زين او سويها قطايف عصافيري
غمسيها في الشيره وقدميها
ملاحظة /
إذا كانت القطايف عصافيري فلازم تكون شيرتها ثقيله زي العسل ..
أتمنــــى إن سفرتنا عجبتكم
مودتــــــي
