طريقة عمل خلية المسخن
بواسطة: وجدان عماد
تاريخ الوصفة: 16/02/2021
الطريقة لعمل خلية المسخن :
استخدمي العجينة المعتمدة عندك
انا عملت عجينة ال١٠ دقايق
بصحن العجين بحط
٢ كوب طحين
بيضة
٣ ملاعق حليب جاف
ملعقة خل
ملعقتين كبار خميرة
٢ ملعقة كبيرة سكر
رشة ملح
و٢ كوب ماء فاتر
بحركهم بالمشبك وبغطيهم ١٠ دقايق يختمرو
بس اشوف فقاعات ع وجهه الخليط
بنزل ٣ كوب طحين وبلمها بنص كوب زيت زيتون
بعجنها كتير منيح بس تصير ناعمة
اختلاف نوعيات الطحين ممكن تلزق معك بتزيدي لحد ربع كوب...
لعمل حشوة المسخن :
دجاج مسلوق ومستوي بالطريقة اللي بتحبوها
بمقلاية واسعه بحط زيت زيتون (حصرا) وبنزل كمية كبيرة من البصل ممكن مفروم جوانح او مكعبات حسب الرغبه
مع رشة ملح وبس يستوي بدون ماا يتغير لونه بنزل سماق وعصير ليمون وفلفل اسود وملعقة كبيرة دبس رمان ممكن تستغنو عنه بس لذيذ مع المسخن
بفتت الدجاج لقطع صغيرة وبخلطها مع البصل
بعمل العجين كرات حسب الحجم المفضل وبحشيها كمية وافرة من المسخن وبسكرها منيح وبرتبهم جنب بعض بصينية مدهونه زيت على شكل خلية
بس اخلص بخبزها بفرن حامي
والف عفية لا تنسونا من دعواتكم
