كسكسي بالقرنيط من المطبخ التونسي
بواسطة: تونسيه
تاريخ الوصفة: 25/12/2019
الكسكسي بالقرنيط أكلة تونسية شعبية حرَة وبرشة نسا يطيبوها أكثر من مرَة
المقادير :
6 صوابع قرنيط
600 غرام الكسكسي
2 مغارف كبار طماطم معجونة
1 فنجان زيت
100 غرام حمص
3 كعبات بصل
6 كعبات سفنارية
3 كعبات بطاطا
2 كعبات قرع أخضر
1 رشة ملح
500 غرام قرع أحمر
4 كعبات فلفل أخضر
1 رشة فلفل أكحل
طريقة التحضير :
1 - قليّ في الزيت:
فلفل أحمر + بصل مقصوص + طماطم معجونة + فلفل أكحل + شوية ملح
2 - قص القرنيط مورسوات كبار وأرميه في المرقة وزيد فوقو الماء
3 - كيف تغلي المرقة زيدها الخضرة إلّي عندك
4 - حط الكسكاس فوق المقفول وكيف يفور حط فيه الكسكسي وخليه مدة 20 دقيقة
5 - سقي الكسكسي بالمرقة وخليه يشرب شوية
6 - حط الخضرة إلّي طابت وصوابع القرنيط فوق الكسكسي
وصحة وبالشفاء
ملاحظه
ما تحطش القرنيط والخضرة مع بعضهم وقت التطييب، ابدى بالقرنيط ورد بالك المقفول يشيح، وكيف تحس القرنيط نص طياب وقتها زيد الخضرة للمقفول
