طريقة الحنيني السهلة

طريقة الحنيني السهلة عبير العميرة




الطريقة السهله للحنيني وأكيد كلن له طريقته في الحنيني ، تعددت الطّرق
و بالأخير الحنيني هو عباره عن خبز و تمر ..

طبعاً الأكلات الشعبيه مرجعي الأساسي فيها ( ماما ) الله يجزاها عني الجنه يارب ، اللهم آمين ..
.
.
- الطريقه لعمل الحنيني السهلة :

كوبين دقيق ( أسمر )
مع ربع ملعقه صغيره ملح
و ملعقة طعام سكر، وملعقة كبيره حليب نيدو
( بودره )
و ملعقه صغيره خميره ..

نعجنها بالماء لين تصير عندنا عجينة متماسكة نخليها تتخمر من نص ساعه إلى ساعة .

بعدين ناخذ العجينه كامله ونجيب صينيه وسط ونفردها فيها ونخبزها بالفرن لين تستوي وتتحمّر من تحت وفوق 🔥



بعدين تقطعون الخبز قطع كبيره عشوائية و تفرمونها بمحضرة الطعام على دفعات مع تمر معجون أو أي تمر أهم شيء ( بدون النّوى ) وزبدة مذوّبة





بعدين نجمعهم في قدر ونسخنهم على النار مع إضافة فلفل أسود مطحون (حسب الرغبه)

ويقدم الحنيني بالعافية





صحّتين وعافيه على قليباتكم يا رب