مكرونة الطيبين بالخضار
بواسطة: ساره طلال
تاريخ الوصفة: 11/12/2019
لعمل معكرونة الطيبين بالخضار والدجاج :
المقادير :
كيس معكرونه
حبه طماطه
معجون طماط كامل
ملعقتين صغيره بهارات مشكله وكاري
ملعقه كزبره مطحونه وكمون
بهارات عدله الي هم بصل وفلفل حار ليمون اسود
حبه فلفل بارد
مكعبين ماجي
صحن صدور دجاج
3 حبات كوسه كبار
حبتين بطاطس كبار
ملعقتين ملح
الطريقة :
اسلق المعكرونه بقدر لحاله واحاول اكثر الماي لأن بحتاجه
نقطع البطاطس والكوسه والصدور الى مكعبات
افرم البصل واذا حابين تضيفون معاه فصين ثوم واحمسه مع بهارات العدله لين يعطي لون ذهبي
احط على البصل الصدور لين يطلع الماي احط ملعقه بهارات مشكله وملح وكزبره وكمون وكاري ومكعب ماجي واحط الخضار
اخلط بالخلاط حبه فلفل بارد ومعجون الطماط وطماط وملعقه بهارات مشكله وكاري واخذ ماي المعكرونه المكرونه واحط منها بالخلاط واخلطه
اصب المرقه على الصدور والخضار واخليه يطبخ
لين تستوي الخضار ونتأكد انها استوت نحط المعكرونه
وننتظرها تنشف وبلعافيه😋
