عمل الرز مها الصيعري

طريقة عمل الرز سهل وسريع من وصفات وطبخات مها الصيعري


لعمل الرز الابيض الساده اللي نقدمه مع الايدامات او المسالا مثلا

قبل كل شي اللي يسأل كيف الارز مايتكسر او ما يتلصق

اذا ما ودك الرز يتكسر لاتحركينه وهو يطبخ

واذا ما ودك الرز يتلصق ببعض لا تزيدي ماء الطبخ

طريقة الرز

نستخدم رز الوليمه او ابو كاس او عادي اي نوع عندكم

اول ماتدخلين المطبخ اغسلي الارز خمس مرات او حتى يصفى الماء من الشوائب واللون

ونقعي الرز لمده ساعه او اكثر في ماء دافي

صفي الرز من الماء بدون ما تحركينه لان حبة الرز منقعه مره وبيتكسر

حطيه بالقدر واضيفي ماء يغطي الرز بس عشان يصير نثري وقليل زيت وملح وفلفل اسود

وخليه يطبخ ع نار وسط وحكميه بالغطاء

بعد ماينشف تمامآ رشي عليه صفار الطعام ( عليه لون الطعام الاصفر ) وهو اختاري بامكانك ما ترشين الصفار

واحكميه بالغطاء لو سويتيها

وقت بتغرفين الرز طلعي الرز اللي فوق عليه الصفار وصبي باقي الرز بصحن التقديم

واضيفي ع الوجه الرز الاصفر اللي طلعتيه

ويزين بالبقدونس

وبالعافيه