دجاج مكهاني شيزان
بواسطة: أم جنا
تاريخ الوصفة: 26/08/2019
لعمل دجاج مكهاني شيزان :
يا أنا كان مدوخني دجاج المكهاني ودورت على طريقته بكل مكان لحد ماتوصلت لطريقته لكن ماطبقتها بحذافيرها وسويت عليها بعض من تجاربي الفتاكة وضبطته أخيرا ً للي مايعرف دجاج المكهاني هذي أكلة هندية ذقتها في مطاعم شيزان الهندي ..
نسمي بالله ونبدأ العمل
نبدأ بعمل المكهاني ولو إني ماصورت كل الخطوات
: المقادير :
ملعقتين زبدة كبار
2 صدور دجاج مقطعة مربعات متوسطة وممكن دجاجه كامله مقطعه اربع بس الطريقة الاصلية صدور مقطعه
بصلة متوسطة
فصين ثوم
ملعقة زنجبيل مدقوق طازة
نصف علبة زبادي
حبتين طماطم متوسطة
ملعقتين صلصة
فلفل أحمر مطحون " اختياري "
علبة قشطة
ملح وفلفل
الطريقة :
نسيح الزبدة ونضيف لها البصل لين يذبل ثم الثوم والزنجبيل
ثم تضاف قطع الدجاج وتقلب حتى يتغير لونها وتبهر بالملح والفلفل والفلفل الأحمر
فيه ناس تضيف الكاري بس أنا ما احبه
نخلط الطماطم مع الزبادي في الخلاط ونضيفهم فوق الدجاج ونقلب
ثم تضاف الصلصة وتقلب ثم نضيف قليل من الماء نصف كاس تقريباً ونغطيها لحد ما تستوي ما تاخذ وقت ربع ساعة تقريبا
وهذا شكله يطبخ
نصفي قطع الدجاج
ونخلط الصوص مع علبة القشطة بخلاط براون أبو يد أو أي خلاط عندك لحد ما تختلط المكونات وتصير زي اللبن الزبادي ثقيلة ومتماسكة..
نرجع قطع الدجاج للخليط ويسخن قليلاً وتقدم دجاج مكهاني شيزان مع خبز النان أو التندوري ..
