القبوط اكله كويتيه شعبية

القبوط اكله كويتيه شعبية


القبوط اكله كويتيه شعبية نفس عمل المطازيز القصيمي لكن تختلف بأن العجينة محشيه

لعمل القبوط الكويتي :

عجينة القبوط الكويتي :

كوب ونص طحين ابيض و كوب ونص طحين بر أسمر وملح وشويه زيت وماي للعجن
تعجن وتكون شوي لينه وتترك ترتاح نص ساعه

حشوة القبوط الكويتي :

نحمس بصل مفروم بشويه زيت ولما يتحمر نضيف ثوم و اللحم ولما يتغير لونه نتبله بملح وحلبة وكركم وفلفل اسود وبهار القصار( كزبره وكمون بودر ودارسين ) ولومي اسود بودر .. نتركه يتسبك ، نضيف كزبره وشبنت وشويه بقدونس مفرومين ، نصفيه من الزيت ويترك جانبا حتى يبرد

نفرد العجينه باليد ونحشيها لحم مفروم ونغلقها جيدا

طريقة مرق القبوط الكويتي :

نحمس بصل ونضيف ثوم مهروس و نص علبه معجون طماط ونحمس ، نضيف طماط مبشور ونتبل بملح وفلفل اسود وحلبه وكركم وبهار القصار ولومي اسود عدل (2)
نضيف شلغم / لفت او اي خضار تفضلونها ثم نضيف ماي مغلي وننزل القبوط والفلفل الحار (اختياري)

بالأخير نضيف قطع قمر الدين يعطيه نكهه لذيذه(حامض حلو)
.
. *ملاحظة:

اذا كانت المرقه خفيفه نذوب ملعقه وسط طحين بقليل من الماء او المرق ونضيفه على المرق ليعطيه كثافه

وبالعافيه💕