اندومي ورق عنب
بواسطة: سيرين
تاريخ الوصفة: 06/08/2019
لقيت وصفه اندومي ورق عنب من اختراع بنت و طبقتها و طلعت طيبه و سهله حتى لما تنسكب شكلا بشهي متل مالكم شايفين اندومي بس بصوص ورق العنب
المقادير لعمل اندومي ورق عنب :
3 اندومي
2 او اكتر بطاطا مقطعه دوائر ومقليه
2 ملعقه زيت
3-4 معالق معجون بندوره
كاسه او اكتر ماء
7 ملاعق دبس الرمان
3 ليمون اخضر معصور (انا استعملت الليمون العادي)
7 ملاعق عصير تمر الهندي (ماكان عندي استغنيت عنو)
مكعب مرقه دجاج
0.5 ملعقه صغيره بهار مشكل
0.5 ملعقه صغيره كاري
0.5 ملعقه صغيره بابريكا
0.5 ملعقه صغيره ملح (انا ضفت شطه)
الطريقة لعمل اندومي ورق عنب :
نقلي معجون البندوره بالزيت ثم نضيف الماء و جميع المكونات السابقة ما عدا البطاطا والاندومي
نحركها ونتركها تغلي وتتماسك شوي
نضيف البطاطا على الجوانب وبالنص ونحط الاندومي ونتركها لتستوي ونضيف ماء زياده ونسكر الغطا ونتركها تستوي ولما تستوي نص استوا نحط بهارات الاندومي عليها ونتركها شوي ونسكبها فيه ناس تحبها مع ميتها وناس تحبها ناشفه شوي
صحتين وهنا ❤️
