• EN
  • اشراف أم حاتم
موسوعة الطبخ حلا القهوه والتقديم حلى عبير العميرة طريقة حلى بيكان بار pecan bars بالصور

طريقة حلى بيكان بار pecan bars بالصور

بواسطة: عبير العميرة
تاريخ الوصفة: 02/08/2019

طريقة حلى بيكان بار pecan bars بالصور
http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%AD%D9%84%D9%89-%D8%A8%D9%8A%D9%83%D8%A7%D9%86-%D8%A8%D8%A7%D8%B1-pecan-bars-%D8%A8%D8%A7%D9%84%D8%B5%D9%88%D8%B1.jpg

Pecan Bars . بيكان بار حلى رهيب و سهل و الطّعم لا تعليق ، أكيد واضح لكم من كثر ما مدحته لكم اليوم 🙊 .

مقادير وطريقة عمل حلى البيكان :

. الطبقة الأولى

اصبع ونص زبدة غير مملحة باردة من الثلاجة مقطّعه مكعبات نخلطها مع نص كوب سكر أبيض .
( إذا ودّك تحطين ربع كوب أبيض وربع كوب أسمر
بدال ما تخلينه كله أبيض عادي ينفع )
لمن يمتزجون مع بعض الزبدة والسكر ننزل عليهم
ملعقة صغيرة فانيلا + قشر برتقالة ( تقولين والله
ما أحب القشر عادي أحذفه ؟ .. ايه عادي )
+ بيضة حبه وحده .. عشان خاطري لاتقولين بأحذفها !
ضعيفه هالحبه ماراح تسوي لك شيء
بتقولين يمكن تطلع زخمه !! أنا ودي أتعرف على هالزخمه اللي ذابحتكم خافو الله فيها حبه وحده ومعها فانيلا وقشر برتقال يعني حتى لو فيها زخمه بتستحي تطلع لكم هالزخمه 😬 .
طيب الحين اختلطو هالأشياء مع بعض ننزل عليهم :
كوب ونص طحين متعدد الاستعمالات + نص م ص ملح ، بس مجرّد يندمج الطحين نوقف . .

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%AD%D9%84%D9%89-%D8%A8%D9%8A%D9%83%D8%A7%D9%86-%D8%A8%D8%A7%D8%B1-pecan-bars-%D8%A8%D8%A7%D9%84%D8%B5%D9%88%D8%B12.jpg

نفرد العجينة في صينية مربعة 9*9 انش نحط فيها
ورق زبدة أفضل ونفرد فوقه العجينة

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%AD%D9%84%D9%89-%D8%A8%D9%8A%D9%83%D8%A7%D9%86-%D8%A8%D8%A7%D8%B1-pecan-bars-%D8%A8%D8%A7%D9%84%D8%B5%D9%88%D8%B13.jpg

ثم ندخلها الثلاجة أو الفريزر إذا مستعجله أبيها تتماسك الزبدة اللي فيها إذا تماسكت بالشوكة سوّي فتحات عشوائية وتدخلينها فرن ساخن مشغل من تحت على درجة 180ْ بالرف الوسط تاخذ من 20 - 25 دقيقة بتشوفين الأطراف خذت لون التحمير الحين نطلعها من الفرن ..


ونكون مجهّزين . الطبقة الثانية .
بقدر ع النار / اصبع زبدة 100 جرام + كوب سكر بني
نذوبهم مع بعض اذا اندمجو نضيف م ص فانيلا + م ك كريمة خفق أو حليب ونستمر في الخلط ونشيله من على النار ونضيف ثلث كوب عسل .
" العسل ياعسل يحتاج يكون طعمه خفيف ولذيذ "
بتقولين ينفع شيره بأقولك لاااا ! لأن الشيره عباره عن سكر وحنا حاطين بمافيه الكفايه يعني ماينفعش
الخلطه هذي وهي دافيه نصبّها على ثلاث أكواب ونص جوز البيكان حبات كاملة مو مكسّره وكل ماكانت الحبّات كبيره ولذيذه استطعمتي اللذاذه الصدقيه يعني خذي لك نوع فآخر إذا قالك هذا أمريكي فاخر مو تقولين عطني على طول لا قولي عطني كم حبة واستطعميها بنفسك 👌🏻.

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%AD%D9%84%D9%89-%D8%A8%D9%8A%D9%83%D8%A7%D9%86-%D8%A8%D8%A7%D8%B1-pecan-bars-%D8%A8%D8%A7%D9%84%D8%B5%D9%88%D8%B14.jpg

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%AD%D9%84%D9%89-%D8%A8%D9%8A%D9%83%D8%A7%D9%86-%D8%A8%D8%A7%D8%B1-pecan-bars-%D8%A8%D8%A7%D9%84%D8%B5%D9%88%D8%B15.jpg

ثم ندخلها الفرن مره ثانيه 20 - 30 دقيقة نفس الطبقة الأولى لا تشغلين من فوق من تحت فقط ، ثم خليها تبرد الصينية بأجواء المطبخ ثم دخليها الثلاجة أقل شيء ساعه تتماسك زين

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%AD%D9%84%D9%89-%D8%A8%D9%8A%D9%83%D8%A7%D9%86-%D8%A8%D8%A7%D8%B1-pecan-bars-%D8%A8%D8%A7%D9%84%D8%B5%D9%88%D8%B16.jpg

وعند التقطيع يبي لك سكينة طويلة حادّه 👌🏻 وعلى راحتك تبين التقطيع يكون مستطيلات أو مربعات ..

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%AD%D9%84%D9%89-%D8%A8%D9%8A%D9%83%D8%A7%D9%86-%D8%A8%D8%A7%D8%B1-pecan-bars-%D8%A8%D8%A7%D9%84%D8%B5%D9%88%D8%B17.jpg

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%AD%D9%84%D9%89-%D8%A8%D9%8A%D9%83%D8%A7%D9%86-%D8%A8%D8%A7%D8%B1-pecan-bars-%D8%A8%D8%A7%D9%84%D8%B5%D9%88%D8%B18.jpg

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%AD%D9%84%D9%89-%D8%A8%D9%8A%D9%83%D8%A7%D9%86-%D8%A8%D8%A7%D8%B1-pecan-bars-%D8%A8%D8%A7%D9%84%D8%B5%D9%88%D8%B19.jpg

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%AD%D9%84%D9%89-%D8%A8%D9%8A%D9%83%D8%A7%D9%86-%D8%A8%D8%A7%D8%B1-pecan-bars-%D8%A8%D8%A7%D9%84%D8%B5%D9%88%D8%B110.jpg

. * معليش تحمّلو البربره الواجده ترى أحب أشرح بالتفصيل عشان فيه بنات مبتدئات يحتاجون هالتفاصيل .. و هني و عافيه على قليباتكم

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%AD%D9%84%D9%89-%D8%A8%D9%8A%D9%83%D8%A7%D9%86-%D8%A8%D8%A7%D8%B1-pecan-bars-%D8%A8%D8%A7%D9%84%D8%B5%D9%88%D8%B1.jpg


إرسال الوصفة
 

 

تصميم مجموعه ترايدنت العربية

Powered by SaphpLesson 4.0

© 2005 - 2022 موسوعة الطبخ arabic recipes

موقع موسوعة الطبخ موسوعة مفتوحة للطبخ والأكلات العربية بمشاركة زوار الموقع, وإدارة الموقع تخلي مسئوليتها عن حقوق أي وصفة منقولة ومن له اعتراض على وصفة خاصة مراسلتنا لحذفها من هنا

sitemap

Privacy Policy