لقيمات عبير العميرة
بواسطة: عبير العميرة
تاريخ الوصفة: 29/04/2019
طريقة اللقيمات مضبوطه ولذيذه :
الكوب أو الكاس سواء معياري أو عادي خليه هو المعيار عندك لكل المقادير :
كوب ونص دقيق كويتي
م ك خميره
م ك سكر
م ص ملح
ربع كوب حليب بودره
ربع كوب نشاء
ربع كوب زيت
كوب ماء .
الطريقة لعمل اللقيمات :
بصحن عميق توضع المقادير السائله مع بعض والخميره والسكر وتخلط بعدين نضيف المقادير الجافه .. ونخلط زين ونغلفه بالنايلون ونخليه يرتاح ساعه الى ساعه ونص وبعدين نضيف ع العجينة بيضه ونحركها مع الخليط و نتركها عشر دقايق وبعدين يصير عندنا صحن صغير فيه ماء مخلوط معه شوي زيت ونبدأ بالتلقيم بالملعقة ..
.
بقدر القلي نضيف زيت نباتي أحب استخدم دوار الشمس لأنه يتحمل حرارة عاليه 400 فهرنهايت وما يدخن فهو ممتاز بالقلي ..
لمن توصل درجة حرارة الزيت 350 فهرنهايت أبدأ أنزل العجين يعني في البدايه لازم تكون النار حاره بعدين ننزلها ونخليها وسط ونبدأ نقلب باستمرار لين توصل اللقيمات لون حلو لازم لازم نطول وحنا نحرك عشان تحافظ على قوام القرمشه من برا ومن جوا تصير هشّه وفيها فراغات ..
• ماتحبّين البيض أو عندك حساسيه عادي احذفيها بس أحب أضيفها تخلي العجينه هشّه تفشفش
