طريقة عمل قالب الدجاج بالتوست
بواسطة: دانا
تاريخ الوصفة: 13/04/2019
الحشوه :
صدور دجاج بدون عظم ( على حسب الكميـه ) .
بصلـه صغيره .
جبن مبشور / بطاطس مقطـع حلقات ومقلي .
* تسلقينها وتنتفينهـا وتكونين محمره البصل بزيت لين يتشقر
تضيفين عليه الدجاج المنتف وصوص الصويا وبهارات وملح بسس .
_ تقدرين تعملين الحشوه بالطريقة اللي تبغين مو شرط نفس الشي
تنفـع باللحم او الدجاج المفروم مع فلفل رومي صغار
الصوص:
علبـة قشطـه .
ملعقتين كبـار جبن سايل .
ملعقه صغيره طحينـه .
الطريقـه لعمل قالب الدجاج بالتوست
تفردين التوست بعد ماتقطعين أطرافهـا ( فردتهـا بالآلـه لأن فردهـا أحلا تكون متماسكـه )
تقطعين التوست لدوائر و تشكلين فيهـا القوالب ( على راحتك تبغينهم بالقوالب الصغار او الكبار )
تحطين حلقـة البطاطس ,, وتبدين تعبينها من الدجاج
تحطين مقدار ملعقه كبيره تقريبا من الصوص بعد ماتخلطينـه بالخلاط
تدخلينه الفرن لين تتماسك الحشوه وتحسين نضجت ,,
تطلعينها وتحطين عليها الجبن المبشور وتدخلينها الفرن بعد ماتكونين مطفيته بس بحرارة الفرن
وبالصحـه والعافيــه
.
وهنـا بقى من التوستات ,, والحشوه خلصت
سويت فيهم بيتزا
طالعه تجننن معبييييييه ,, أكل بيتزا صدقيه خخخخ
وزي البيتزا العايديه ,, بس الصلصـه تضيفين معاها لحم مفروم
عشان يملى لك القالب مع الزيتون والجبن السايح
