عجينة الفطائر القطنية
بواسطة: الهنوف
تاريخ الوصفة: 23/03/2019
العجينة روعة للبيتزا والفطائر
نصيحه العجينه كل ماخليتيها تخمر كل ما كان افضل و لانت
غطيها بـ فوطه مبلوله ومعصوره واتركيها بمكان مافيه تكييف عشان تخمر وتنفش
و لما تخبزيها تكون حرارة الفرن واطيه لما تبدا البيتزا تصفر من تحت على طول اقلبي النار من فوق موب تستنين الين مايصير من تحت بني كذا بتيبس
برضو البيتزا قبل لا تخبزينها سويها وحطي الاشياء عليها واتركيها اخر شي قبل الفطور اخبزوها شوفي كيف تصير قطن
2 كاس دقيق
2 م ك خميره فوريه
1 م ك بيكنج باودر
2 م ك سكر
3 ملاعق حليب باودر
بيالة زيت
نصف م ك ملح
والموية تقريبا كوب وتكون موية دافية
اخلطي الاشياء الجافه بالملعقة بعدين ضيفي الزيت وفركي بيدك لين تحسين انخلط
بعدين ضيفي الموية شوي شوي .. ضيفي واعجني الين ماتحسن انها اوكي ولا تتلصق .. لو تلصقت بيدك ضيفي رشة دقيق واعجني
اتركيها تخمر نص ساعه اقل شي وكل مازدتي احسن
صرنا نسويها 2 ونبدا نعجن 4 وتنخبز 4 ونص كذا مره تصير لينه
لما تطلعينها من الفرن اتركيها 10 دقايق ندفى بعدين حطيها بصحن وغطيها لو تركتيها مكشوفه بتيبس
او حطيها بصحون التقديم وغلفيها بنايلون شفاف
