طريقة عمل الباستا بالكريمة لذيذة وسهلة وسريعة
بواسطة: Orabella
تاريخ الوصفة: 23/03/2019
هالباستا .. ما تنجح الا اذا شريتي الكريمه اللي بحطها .. و صوص الاسباغيتي اللي بحط صورته بعد
صورة الكريما:
صورة الصوص :
سوس الاسباغيتي تلقونه انواع .. مكان الطماطم .. في نوع مرسوم بدالها مشروم و في نوع مرسوم فيها ثوم .. كله واحد ما يأثر .. المهم هالصوص اي نوع بس هالبراند
ماخذه الصور من النت .. كيمرتي مفضيه
المقادير :
كيس باستا بيني
مشروم فريش او معلب شرايح
دياي صدور
زيت الزيتون + شوية زبده
كوب جبن بارميزان
نص علبة صوص اسباغيتي ماركت kimball
علبة كريمه elle&vire كامله
اوريقانو
ملح و فلفل اسود
الطريقة:
نفور الباستا و نحط معها شوية ملح و م ك زيت الزيتون و نخليه على جنب
في قدر ثاني .. نحط شوية زيت و زبده .. و نضيف لهم الدياي .. بعد ما يستوي الدياي .. نضيف المشروم عليه .. و نحط شويه ملح و فلفل اسود .. بعدين نضيف علبة الكريما كلها .. و نخليها لين ما تتماسك الكريما و تتكاثف .. نضيف نص علبة سوس الاسباغيتي .. و نحرك .. بعدين نضيف عليها الباستا و نحرك .. و اخر شي نضيف جبن البارميزان .. و الاوريقانو .. و نخلط كل المقادير زين ما زين .. نخليه مده دقيقتين و نسكر
ملاحظه :
انا جربت صوص العلالي بس طعمه ما يتقارن بكيمبول.. و جربت كريمة بوك و المراعي .. بس تطلع خفيفه و الباستا تكون ماي .. فجربو هالبراند انا اسميها برج ايفل في انواع في كريمه للحلويات و كريما للطبخ .. خذو للطبخ
ملاحظه ثانيه .. بعد ما تضيفون كل شي في الباستا .. لا تخلونها وايد على النار ترى بتنشف السوس
الصراحه بدون مبالغه كل اللي ذاقها يقولي انها جنها من مطعم .. لانها تكون كثيفه و الاوريقانو و البرميزان عاطنها الطعم الايطالي الاصيل
