مجبوس لحم وفقع + سلق الفقع
بواسطة: فطوم
تاريخ الوصفة: 18/01/2019
اولا طريقة سلق الفقع
الفقع تقشرينه خفيف جدا بس ايطيح التراب وتغسلينه عدل وتحطينه بماي علي النار
انا اغير الماي ثلاث مرات علشان التراب اللي فيه
وبعدين اخليه يفوح ( يغلي) حطي معاه ملح فقط لاتحطين بهار يضيع طعمه وخليه لين ينضج وبعدين اهرسيه مع سمن وخبز ايراني...
طريقة عمل مجبوس فقع ولحم
تحمسين البصل العادي والاخضر مع سمن وزيت لين يذبل شوي
وحطي من بهارج( كركم فلفل اسود واحمر وشوي من صبغه العيش وكاري وزنجبيل)
ثم الفقع اللي سلقتيه احمسه ثم اللحم اللي سلقته وبعدين اضيف الطماط المقطع تصير عندي مثل الكشنه واضيف بطاط مقطع دوائر ومقلي ( اختياري ) وبعدين الماي والعيش ( نقعته بماي وقفشه ملح ساعه ثم صفيته) الماي فوق العيش باصبعين وخليه يطبخ وهدي علي النار وقصريه لين يخلص وقدميه
