طريقة تنظيف وعمل الفقع - كمأ مسلوق بالصور
بواسطة: مشاعل العتيبي
تاريخ الوصفة: 18/01/2019
(فقع ) او (زبيدي) او (كما) تعددت الاسماء لحاجه لذيذه
طريقتنا سهله اليوم وجداً لذيذه تعطينا الطعم الاصلي للفقع الزبيدي بدون اي اضافات
طريقة تنظيف الفقع :
الخطوه الاكثر اهميه في الفقع الزبيدي في طبق من الاطباق تنظيفه جيداً من الاتربه
وهي طريقه متعبه بس النتيجه تستاهل
تنقعين حبات الزبيدي في المويه تقريباً ساعه
بعدها امسكيها حبه حبه
حكيها بالسكين بدون تقشير الى ان تطلع طبقه رقيقه جداً جداً من الفقع الزبيدي
اما الجزء السفلي اللي واضح صورته
هذا لازم يقشر بالسكين لانه مكان تراكم الاتربه
اذ نظفتيه من الاتربه
الان نطبخ الفقع سلق
تقصصينه ارباع
تحطينه في قدر فيه مويه
تخلينه يغلي في المويه تقريباً نص ساعه
بعدها تضفين له ملح وقليل جداً من الماجي الابيض
تخليه يغلي غلوتين بعدها طفي عنه
وضيفي عليه ملعقه كبيره سمنه
وتمتعي بالطعم
مع الخبز او مع الارز
قدمت الفقع اليوم مع الارز
طريقة حفظ وتخزين الفقع بالفريزر :
انقعيه في ماء بعدها نظفيه زيييين وقصصيه مكعبات كبار واغليه لمدة ١٠ دقايق وبعدها صفيه في مصفاءه اتركيه يبرد بعدها اجمعيه في اكياس دخليه في الفريزر وقت الحاجه وهو بثلجه حطيه في وسط القدر
