طريقة عمل الحمام المحشى بالارز بالصور
بواسطة: ام العيال
تاريخ الوصفة: 15/01/2019
how to make easy pigeon recipe in arabic
المكوّنات والمقادير لعمل الحمام المحشى بالارز :
5 حمام منظف جيدا
نص كيلو كبد وقوانص وقلوب الحمام مغسوله ومنظفه
5 قبضات يد أرز مصري (لكل حمامه قبضه يد رز)
2 بصله مقطعه صغير
1 فلفل اخضر
ملح
فلفل اسود
معلقتين سمنه
الخطوات وطريقة التحضير لعمل الحمام المحشى بالارز :
نقطع الكبد والقوانص والقلوب صغير ونضيفها للأرز المغسول ومصفي ونضيف كمان عليهم البصلة المفرومه والفلفل المفروم والسمنه
ونقلبهم مرتين تلاته على النار بس مجرد ان الكبد تغير لونها لكن مش هنسويه
نسيب الخلطه تبرد خالص وبعدين نبتدئ بالحشو
ندخل الأرز من البطن وبواسطه الإبهام نبتدئ بدفع الأرز للاعلي عند زور الحمامه وبالايد التانيه ننزل الأرز بين الجلد واللحم في الزُّور
وهكذا كل الكميه لحد ما نخلص حشو
نكون مجهزين ميه بتغلي على النار وفيها ورقتين غاز و٤ فصوص حبهان وملح وفلفل اسود وقرنفل وبصله مقطعه ارباع
معاها حبه طماطم ومعاها نص جزره مقطعه
ننزل الحمام لما الميه تغلي ونسيبها حوالي ساعه الا ربع على نار متوسطه
لما يستوى نطلعه ندهنه سمنه او زبده او زيت وندخله الفرن تحت الشوايه عشان ياخد اللون دا 😍😍
