حنيذ لحم بقدر الضغط من المطبخ اليمني

حنيذ لحم بقدر الضغط من المطبخ اليمني


حنيذ بقدر الضغط بطريقتي من زمان أحب الحنيذ بالضغاط أكثر من الفرن

المقادير :

لحم اي نوع استخدمت لحم غنمي
بصلتين
بهارات متنوعه
شحم لحم
رشه قرفه
رشه هيل


الطريقه :

جبت الضغاط وحطيت له قطع شحم وولعت النار وجلست اقلب الشحم بعصا خشبيه لما نزل شوي من الشحم رفعت الشحم وحطيت البصل كان مقطع شرائح وقلبتهم بالشحم مع فصين ثوم لما حمروا شوي حطيت اللحم مع ملح وبهارات متنوعه ورشه كركم والبهارات سويت بهارات لحم وكزبره مطحونه وفلفل احمر واسود وكاري وقلبتهم مع البصل

ملاحظه مهمه : الملح والبهارات تكون كميتها نصف الكميه إلي تعمليها للحمه المسلوقه

بعدما قلبتهم فتره رشيت آخر شيء رشه هيل خفيفه ورشه فرقه وسويت مويه نص كاسه عصير فقط واكبسي الضغاط ووطي النار تحته يقعد ساعه وبخريه بفحمه

الرز عادي سويت له فصين ثوم واعواد فرقه وثلاث مسمار وكركم حطيته ع جنب

انصحكم فيه حنيذ لحم مره لذيذ والي ما تحب بالشحم عادي تحط البصل وفوقه اللحم وتقلب

لاتنسوا ان الملح والبهارات يكون نصف الكميه إلي تسويها للحمه المسلوقه

وبالعافيه عليكم ولاتنسوا تبخير اللحمه بيعطي نكهه رووعه