الزربيان العدني اللذيذ (كبسة لحم ) من المطبخ اليمني

الزربيان العدني اللذيذ (كبسة لحم ) من المطبخ اليمني


الزربيان العدني اللذيذ (كبسة لحم ) من أحب الاكلات إلى قلبي
واقدم لكم طريقه الزربيان العدني اللذيذ باللحم .. وبالنسبه لزربيان الدجاج استخدمي نفس الخطوات بالضبط واستبدلي اللحم بالدجاج

تجيبي كيلو لحمه حاشي او عجل تطبخيها بالضغاط تقصي البصل وتحطي اللحمه وبهارات منوعه وتقلبي كثير مع البصل وتضيفي الماء للضغاط وتضغطي الين تنضج اللحمه وتحطيها ع جمب

الرز تغسلينه وتغليه بالماء وتخليه ينضج نص نضجه وتصفيه من الماء وتحطيه ع جمب

البطاط استخدمت اربع بطاط كبار قرشتهم وقطعتهم مربعات وقليتهم وبنفس زيت البطاط قليت بصل شرايح تستخدمي بصله كامله تقطعينها شرايح وتقليها ...وتخليها ع جمب

تدقي ثومه كامله مع ملعقه كبيره قرفه وملعقه كبيره هيل وهذا سر نكهه الزربيان وممكن تخلينهم ملعقعه ونص ع حسب الكميه بعدما تدقينهم مع بعض تخليهم عجمب

نجي الان لتركيب الزربيان تجيبي قدر كبير والاحسن يكون تيفال واذا مافي تيفال مو مشكله وتقصي له بصل كامله وتحطي زيت وتشوحي البصل الين يحمر
تضيفي خلطه الثوم والهيل والقرفه الي دقيتيهم ترميهم للبصل وتحركي وتجيبي البطاط المقلي واللحم وتضيفينهم لخلطه البصل وتقلبي وتعملي لهم بهارات وشويه ملح وتقلبي وتقسمي هذه الخلطه نصين بحيث اول طبقه بالقدر تكون هذه الخلطه وبعدين نص الرز وبعدين بقيه الخلطه وبعدين بقيه الرز وتضيفي شويه ماء وشويه من مرقه اللحمه وتعملي شوي من الزعفران او الكركم بواجهه الرز والبصل الي قليتيه الشرايح تحطيه كمان في الواجهه وحطيه ع نار هاديه وغطيه وكل شويه اتفقدي وضيفي ماء
واخر حاجه تبخريه بفحمه ..