طريقة تدميس الفول بالمنزل زى المحلات بالصور
بواسطة: ام نوسو نوسو
تاريخ الوصفة: 27/04/2018
طريقة تدميس الفول بالمنزل زى المحلات بالصور
طريقتى البسيطه فى تدميس الفول بالمنزل زى المحلات ومن غير ما يسود
المقادير لتدميس الفول :
2كوب فول
2كوب قمح مستوى نصف تسويه
3 فصوص توم لو عايزة اكتر حسب رغبتك
ليمونه (عشان الفول ميتغيرش ويبقى اسود)
بصله
طريقة العمل والتحضير لتدميس الفول :
الاول هتنقعى الفول انا نقعته يوم كامل بعدها ترمى ميه النقع
حطيت الفول المنقوع وعليه التوم والليمونه والقمح المنقوع والبصله وحطيت عليهم مياه
وشغلت النار هاديه عليه
وكل شويه تقلبى فيه لو احتاج مياه تسخنى مياه سخنه وتحطيها
وبعد ما استوى ليه تكه جميله اوى بتعطيه احلى طعم وريحه
تجيبى توم مهروس وعليه كسبره ناشفه مهروسين مع بعض قبل ما تطفئ عليه حطى التوم والكسبره الله بقى على الريحه والطعم بجد روعه
لما يبرد بحفظ الفول فى اكياس واضعه فى التلاجه لاستخدام
اول طريقه ليه فيه
اجيب طاسه واحط فيها معلقتين زيت زيتون واحط عليها شطه حمرا واضع الفول وعليهم الملح وكمون واعصر ليمون
وتأكلى احلى طبق بجد طعمه روعه
مش محتاجه غير دعواتكم ليه
