محشي ورق عنب سعودي حامض ولذيذ
بواسطة: مشاعل الطريفي
تاريخ الوصفة: 27/04/2018
من مطبخي>> العشق ورق عنب😍😍
مكونات وطريقة عمل وتحضير ورق العنب :
بالنسبة لي ورق العنب افضل شي الطازج إذا جاء موسم ورق العنب اشتروه من محلات الخضار بعدين إمسحيه فقط بمناديل جافة وحطيه بعلبة بلاستيك أو حطيه فوق بعض على قصدير ولفيه مثل الرول ودخليه الفريزر واستخدميه وقت الحاجه ، وفيه عدة شركات لورق العنب أنا جربت قلب الطبيعة وأعجبني والمرة هذي استخدمت TATCO مررره أعجبني
نبدأ الان نجهز الحشوة المقدار لعلبة ورق عنب واحدة:
جيبي قدر وقطعي حبة بصل كبيرة مفرومة ناعم و٣ فصوص ثوم وحبة فلفل حار اختياري وبعدين احمسيه زين على النار بزيت زيتون لحد ما يذبل بعدين اضيفي له حبتين طماطم مفروم ناعم بعدين جيبي الرز المصري كوبين رز مصري تكونين غاسلته قبل ومنقعته بماء دافئ لمدة نص ساعة ومصفية الماء منه ،بعدين اضيفيه على الطماطم والبصل وقلبيه لمدة 10 دقائق وأضيفي ملح ناعم وكركم وبهار وكمون و تقريبا اربع ملاعق كبيرة من منقوع التمر الهندي و يكون ثقيل زي معجون الطماطم بعدين اطفي النار وأضيف نصف كوب لكلاً من كزبرة وبقدونس ونعناع اذا فيه مجفف أفضل وشبت (اختياري )كله مفروم ناعم اضيفيه على الخلطة وقلبي لحد ما تتجانس المكونات وبكذا تكون الحشوة جاهزة
الان جيبي قدر طبخ ورق العنب قدر عادي أو قدر ضغط حسب رغبتك بعدين بطني القدر بورق العنب وحلقات من البصل والطماطم والثوم والبطاطس بعدين إبدي إحشي ورق العنب وإذا انتهيتي من صف ورق العنب حطي على الوجه قرون فلفل حار و غطيه بطبقة من ورق عنب أوراق بدون حشوة علشان مايصير لونه اسود اذا تعرض للهواء .
التسقية:
نحضر قدر ونضع فيه تقريباً كوبين ونصف ماء مغلي وتقريبا ½ كوب دبس الرمان ونصف كوب زيت زيتون وملعقة وسط ملح ناعم وحبتين طماطم مفرومات ناعم وتقريبا ربع كوب سكر ونصف كوب عصير ليمون وحبتين ماجي اختياري، اصب التسقية على ورق العنب وأخليه زيادة تقريباإنش واحد بعدين اضغط عليه بثقل ورق العنب موجود عند محلات المنتجات السورية
في البداية ارفع النار لمدة عشر دقائق بعدين أقصر النار مرره وأخليه من ساعتين إلى ثلاث ساعات وبالنسبة لي وعن تجربة داخل الفرن لمدة ٣ ساعات افضل بشرط يكون فيه مروحة لتوزيع الحرارة يستوي الورق من جميع الجهات وإذا انتهى أسكر النار وأخلي ورق العنب بقدرة تقريبا لمدة ثلاث ساعات حتى يبرد تماما لأن ورق العنب إذا تعرض للهواء يتحول للون الأسود بعدين صفيه بصحن التقديم وحطي عليه حبات من الرمان وجزر مبشور
وعليكم بالف صحة وعافية👍🏼
