سبرنج رول قرصان بر بالخضار طبق صحي ولذيذ وخفيف
بواسطة: مشاعل الطريفي
تاريخ الوصفة: 14/04/2018
سبرنق رول بر بالخضار طبق صحي ولذيذ وخفيف يصلح لكبار السن وللي يسوون حمية لتخفيف الوزن 👍🏼
طريقة عمل السبرنج رول قرصان بر بالخضار :
أحمس بصل وفلفل بارد وفلفل حار وثوم ( إختياري) وإذا تسبّك أفرمه خشن وأخليه على جنب.
أجيب مقلاة عميقة وكبيرة وأحط فيها شوي زيت زيتون وبعدين أحط صدر دجاجة مقطع مكعبات ومتبل بملح وفلفل وبهار وأقلقلة على نار عالية علشان مايطلع ماء وبعد دقيقتين وبنفس المقلاة أحط الخضار التالية مقطعة قطع صغيرة(كرنب،بصل أخضر،بروكلي وممكن جزر مبشور وذرة) وأحمسها على النار دقيقة بس وأتبلها بملح وفلفل أسود وبعدين أضيف كشنة البصل وأخلطهم سوا لمدة دقيقة على نار عالية وبعدين أطفي النار وممكن بعد مانطفي النار مضيف جبنة تشدر مبشورة وأجهز قرصان البر وأقصصه حسب الرغبة لو حابين حجم صغير والا كبير وبعدين احط الحشوة بالوسط وأثني الأطراف وبعدين أبدأ ألف والنهاية أدهنها جبنة سايلة أو دقيق وماء وأرصها بصينية مدهونة بزيت زيتون وأدهنها من فوق بزيت زيتون بعدين أدخلها الفرن من فوق وتحت لين تتحمّر وعليكم بألف صحة وعافية 😋👍🏼
على فكرة يابنات تقدرون تسوونه بشرايح المطبق وممكن تفرزنونه
