شوربة عدس غير الكل سألني عن طريقتها
بواسطة: the rockand rose
تاريخ الوصفة: 05/11/2017
جايبه لكم شوربة العدس اللذيذه
المقادير:-
كأس عدس أحمر تركي
حبة طماطم وسط
حبة كوسا صغيره
حبة بطاطس صغيره
حبة بصل صغيره
حبة جزر صغيره
الطريقة:-
في قدر حطي كأسه عدس بعدما تغسليه وحطي فيه الخضار المذكوره فوق وخليه يسلق زين لين يستوي ذا خلص الماي زيدي شوي
وبعدما يستوي العدس والخضار حطيه بالخلاط اضربيها واذا صار ثقيل خففيه بالماي وحطي
مكعب ماجي -ملعقه كمون مطحون-ملعقه بهار -ملح-شوية فلفل اسود
وخليه يطبخ لين ياخذ له فوره او فورتين وقفلي
قطعي بصل وسط مكعبات صغيره وبعدين حطيه بقلايه مع شوية سمن او زبده وحمريه وزيدي عليه فص ثوم مبشور وبعدما يتحمر حطيه على الشوربة
واقلي خبز وحطيه فوق الشوربة مع الليمون
واللي ما تحب الخبز المقلي على الشوربة ممكن تحط بقدونس وتعصر ليمون عليه حسب الذوق
وبالعافية....
جربوها وراح تدعون لي فعلا شوربة عدس لذيذه وسهله ما تاخذ معاك نص ساعه
