السينامون رول من مطبخ نوره البليهد
بواسطة: نوره البليهد
تاريخ الوصفة: 13/06/2017
يسعد مساكم حبايبي💕
طريقة السينامون رول بالعجينة ذي خيال لازم تجربونها 👍🏻😋😘
_ ربع كوب ماء دافي اضيف له ملعقة طعام خميرة فورية وملعقتين سكر ونتركه على جنب مدة تقريبا عشر دقايق..
_ في خلاط العجن نضيف كوب حليب دافي وبيضة وقالب زبدة مذوبة١٠٠ج وربع كوب سكر وفانيليا سايلة
_ نضيف ٤ اكواب دقيق ونعجنهم لمدة ٥ دقايق حتى نحصل على عجينة لينة..
_ نتركها تختمر ساعة كاملة..وبعد ما تخمر اعجنها مرة ثانية وأتركها ربع ساعة تقريبا..بعدها اقسم العجينة الى قسمين
_ افرد كل قسم الى مستطيل خفيف شوي وادهنها بالزبدة اللينة افضل من السايحة وأكون كريمة بالدهن..
_ وانثر بعدها كمية متساوية من خليط القرفة البودر والسكر البني..ونلف حافة الضلع الاطول.. نحصل على رول نقسمه الى قطع متساوية ..افضل الخيط من قطعها بالسكين..
_ارتب حبات السينامون بالصينية واغطيها مدة ربع ساعة اخرى قبل ماتدخل الفرن..
_ادهن حبات السينامون بكريمة الخفق تعطي لمعة وهشاشة وريحة تجنن..
_ بعدها تدخل الفرن المسبق التسخين..لازم الفرن يكون حار من قبل..بالرف الاوسط لمدة عشر دقايق او لما تلاحظين انها تشقرت من تحت.. وبتلاحظين ان حبات السينامون تشقرت بدون تشغيل الفرن من فوق
بعد ماتطلع من الفرن..ادهنها بخليط من كريمة المخفوقة مع التوفي..(اي نوع تفضلون) وأغطي الصينية بالقصدير واتركه يدفئ.. وبعدين ازينها بخطوط الكراميل ويقدم وبالعافية
جربوهابتعجبكم وراح تعتمدوها..💕
😋💔سر طراوة السينامون تخمير العجينة اكثر من مرة👌🏻
