طريقة عمل المصابيب بالكشنه تهبل وطرية ولافيها عجين
بواسطة: ام بيان المبارك
تاريخ الوصفة: 27/04/2017
مصابيب بعجينة ( البان كيك ) تهبل وطرية ولافيها عجين
طريقتها سهلة وماتحتاج تخمير
وبامكانك تضعين عليها أي شي عسل وزبدة
او بصل مكشن بالبهارات والفلفل الحار لمحبين السبايسي
وهالطريقة تسمى ( ابو بطين ) ..
مقاديرها وطريقتها :
كوب طحين ابيض او اسمر ( اللي تحبون انا اضفت الاسمر )
كوب حليب سايل
ملعقة كبيرة سكر
ملعقتين كبار زيت او زبده
بيضه
رشة ملح
ملعقه كبيره بيكنج بودر
اخلطي المقادير كلها بالخلاط اللي عندك
وبعدها صبيه على الطحين المنخول وحركيه جيدا
صبيه على الصاج التفال او مقلآة امسحي بشوي زيت وصبي من الخلطه انا عندي ملعقه صغيره حقت غرف الشوربه
صبي على الصاج من غير ماتلمسي العجين بالمره وخلي النار واطيه اتركيه لين ماينشف وتطلع الفقاعات على وجه المصابيب اقلبيها على الوجه الثاني واتركيها تتحمر
ادهنيها بالزبده ورشي عليها عسل وزبدة
مصابيب البان كيك لو اكلتيه بدون ماترشي عليه شي بيكون سكره قليل يعني لآزم شي حالي فوقه
او مالح اذا تحبون مثل الكشنة ..
ومقادير الكشنة :
بصل مقطع صغار يحمس مع زيت الى ان يشقر ثم بعدها يضاف
عليه البهارات والكاري والملح والفلفل الاسود والاحمر او الفلفل الاخضر المفروم ثم
بعدها يضاف الصلصة والكركم ويحرك جيدا على نار هادئة الى ان ينضج قليلا
لايستوي مرة المطلوب نص استواء عشان يبين شكل البصل ويعطي منظر حلو
وطعم لذيذ ..
ترش الكشنة فوق المصابيب وايضا العسل والزبدة عشان يطلع عندنا شكلين لمن يرغب التغير
ويقدم بصحن او بحافظة ..
وبالهناء والعافية
