طريقة ومقادير المصابيب بالكشنه
بواسطة: مشاعل العتيبي
تاريخ الوصفة: 27/04/2017
طريقة عمل المصابيب بالكشنه :
عمل الكشنه :
سمنه ( شغلي امي الله يخليها لنا )
٣ بصلات مفروم صغير
حبة فلفل رومي مفرومه
ملعقة مليانه صلصه
كمون ملح فلفل اسود مكعب ماجي الطريقه
نذوب السمنه على نار هادئه
نضيف البصل ونحركه الى يذوب البصل ويصير شفاف
تقريبا خليته ثلث ساعه على النار مع التحريك
بعدها اضيف الصلصه
واخليها تتسبك تقريبا ١٠ دقايق
بعدها اضيف البهارات والماجي
اضيف الفلفل الرومي ٢ دقيقتين واطفي النار
لعمل المصابيب :
نسويها بالطريقه المعتاده
كاسين حليب (سائل )
كاس مويه
ملح
كاس ونص دقيق بر
نص كاس ابيض
بيضتين
ملعقة بيكنق بودر
فنجال زيت
حبه بصل صغيره
اخلطيها بالخلاط
ونسويها على الصاج صبيها على الصاج الحار اذ استوت
نصفها في المحفظه
ومع كل دور مصابيب ملعقه كشنه نمسحها على الوجه
ونكرر هالطريقه الى ان تنتهي المصابيب
ونقدمها مع الحليب والزنجبيل او الشاي
وبالعافية
اختكم
مشاعل العتيبي
أم ريما
