تاوه لذيذه

تاوه لذيذه


التاوه من الوصفات المحببه لكثير من الناس ممكن تنوكل مالحه اذا حشيناها باي حشوة خضار او اجبان او دجاج او ممكن حاليه اذا حطينا عليها عسل او شيره . . نستخدم فيها دقيق البر وتتميز انها ما تشرب الزيت ابد وتطلع ناشفه ولذيذه طعمها وريحتها تجنن خاصه مع الحبه السوداء

المقادير //

ثلاثة اكواب دقيق بر استخدموا نوعيه ممتازه ومافيه مراره . . بيضة . . علبة حليب مركز غير محلى ( حليب الشاي ) لونا او بوني او المراعي اي شيء ينفع باذن الله . . ملعقة كبيرة خميرة فورية . . كوب ماء او اقل او اكثر حسب احتياج الدقيق . . ملعقة صغيرة ملح // ملعقة صغيرة سكر . . ملعقة كبيرة حبة البركة حبه سوداء ( اختياري )

الطريقة //

نذوب الخميره مع السكر في نص كوب ماء ونغطيها ونتركها خمس دقايق . . نخلط الدقيق مع حبة البركة والملح ونضيف البيضه بعد ما نخلطها مع حليب بوني ونصبها على الدقيق ونصب نص كاس الماء اللي فيه الخميره ونعجن كل المقادير مع بعض ونضيف الماء بالتدريج حتى نحصل على عجينه متماسكه اقسى بشوي من عجينة الفطاير ونغطيها ونتركها تخمر لمدة ساعه الا ربع . . بعد ما تختمر نفردها ونقطعها دوائر ثم نقليها بالزيت الساخن ونرش الزيت على وجهها عشان تنتفخ . . بعد كذا ننقلها على مناديل تمتص الزيت الزائد بعد كذا تؤكل ساده مع الشاي او تحشى باي حشوة او مثل ما احبها مع عسل 😋😋وتؤكل بالعافيه . .