كبد وقوانص الدجاج
بواسطة: أم وئام البريجي
تاريخ الوصفة: 01/03/2017
كبدة وقوانص جرييها وما راح تندمي ع طريقتي ♡
المقادير
كيلو كبدة دجاج
كيلو قوانص
بصل اخضر
فصين ثومة
زيت زيتون
فلفل اسود وابيض
كمون
مكعب ماجي
ملح
بهار مشكل
بهار دجاج
طريقة التحضير
بعد تنظيف القوانص والكبده بتقطعي القوانص وبتسلقيهم ع نار هادية لحالهم وبتشيلي زفرتهم
بتقطعي البصل الاخضر والثومة وبتحطيه بالطنجرة مع زيت زيتون وبتقلبيه ع نار هادية، بعدين بضيفي عليهم كبدة الدجاج بعد ما تغسليها
وبتقلبيهم منيح ؛ طبعا بتكون القوانص استوت بتصفيهم من المي وبتحطيهم فوق الكبدة وبتقلبيهم منيح وبعدين بتبهريهم بالبهار المذكور وبتخليه لحتى يستوي وبتقدمية
وصحة والف هنا
