سمك دنيس مقلي مقرمش مع بقدونسية السمك
بواسطة: أم يافا
تاريخ الوصفة: 28/02/2017
سمك دنيس مقلي مقرمش مع بقدونسية السمك
المقادير لعمل سمك الدنيس المقلي المقرمش والبقدونسيه ويكفي 2 أشخاص :
2 سمك دنيس منضف بالملح والليمون
كمون
توم
ليمون
طحين
نشا
ماء بارد
فلفل اسمر
ملح
مقادير البقدونسيه :
ضمة بقدونس
طحينية
معلقتين لبن
ملح
ليمون
طريقة التحضير لعمل سمك الدنيس المقلي المقرمش :
بننضف السمك منيح بعدين بننقعه بملح وعصير ليمون وملح ليمون وتوم مدقوق و كمون وفلفل اسمر وبنعمل شقوق ع سطح السمك. بنحمي ع النار مقلايه فيها زيت غزير
وبنجهز صحنين فيه خليط طحين ونشا ورشة ملح وصحن عميق فيو ماء بارد.. بنحط السمك بالطحين بعدين بالماء البارد بعدين كمان مرة بالطحين وبنرجع مرة تانيه للماء وبنحطه بالزيت الساخن بهدوء وبنهدي النار ع الوسط وبطلع بقرمش بشكل مش طبيعي..
طريقة التحضير لعمل بقدونسية السمك :
بنفرم البقدونس ناعم كتير وبنملحو وبنعصر ليمونه وبنحط قدر نص كاسة طحينية ومعلقتين لبن و بنحرك وبنضيف ماي لحتى توصل للسماكة المطلوبة. وصحه..
وكمان بنقلي بطاطا ونقدمها مع السمك .. كتييير زاكية
