طريقة محشي الفليفله الحلوه والبطاطس بالصور
بواسطة: جبل صبر
تاريخ الوصفة: 04/08/2016
محشي البطاطا مع الفليفله اللذيذ
صحيت اليوم ومش عارفه شو بدي اطبخ ظليت محتاره فتحت التلاجه لقيت عندي كميه من الفليفله الخضراء قلت خليني ابتكر طبق خاص في
تعالو شوفو شو طلع معي محشي الفليفله الحلوه والبطاطس
المقادير لعمل محشي الفليفله الحلوه والبطاطس :
حسب الكميه انا ما بستعمل المقادير يعني على البركه بشتغل
المقادير المطلوبه
فليفه اما طويله او العاديه بكل الوانها الاحمر والاخضر والاصفر ما بيهم حسب ما متوفر عندك
وانا استعملت النوعين الطويل يلي على صفار والفليفله بتاع الدولمه
حبات البطاطا حجم وسط
رب البندوره
مكعب ماجي دجاج او لحم ما بيهم
زيت للقلي
للحشوه :
رز مغسول ومنقوع ممكن يكون بسمتي او زر مصري يعني مدعبل لحمه مفرومه ناعمه بصل مفروم ناعم ثوم مدقوق ناعم
فليفله حلوه او حاره حسب الرغبه مفرومناعم
زيت او سمنه حسب الرغبه بس انا بستعمل الزيت علشان عندنا مشكله الكوليسترول
ملح وفلفل اسود وبهارات
الطريقه لعمل محشي الفليفله الحلوه والبطاطس :
للحشو اخلطي كل المقادير مع بعض مع اضافه كميه من الزيت وفيره يعني شي نص كاسه
احفري البطاطا كويس واقليها
وانا كمان اقلي البطاطا المحفوره وبحطها في قاع الصينيه يلي راح اشوي فيها
اقلي حبات الفليفله بعد ما تنزعي الراس واحتفظي فيه ما ترميه علشان تغطي فيه راس الحبه عند الحشو
وبعدين قومي بحشوحبات البطاطا والفليفله ورصيهم في صينيه الفرن ثم قومي باضافه رب البندوره مع مكعب ماجي وضيفيها عل الصينيه وحطيها بالفرون بس غطيها بالفويل او الورق المعدني علشان تستوي البطاطا وبالاخر ممكن ترفعي الفويل علشان تشوي وجهها شو ي
وهاي صورتها وصحتين ومليون عافيه على البكم يا رب
ريحتها شو زاكيه وزوجي واولادي حبوها كتير كتير
جربوها وبالعافية
