طريقة بسبوسة بالحليب البودرة بالصور
بواسطة: ام ريناد
تاريخ الوصفة: 29/07/2016
جاء على بالي اسوي حلا سهل وسريع فلفت انتباهي بسبوسة شذى الله يجزاها كل خير وطلعت بسبوسة جنان ومقاديرها سهلة
ماعليش انحراقت شوي من ازعاج بنتي متى تخلس الكيكة ياماما واضح لمساتها خخخخ
المقادير لعمل البسبوسة :
1 كأس كبير حليب بودرة
1 قشطه
1 بيضه
1 ملعقه صغيرة فانيليا
1 ملعقه كبيرة بكم بودر
1 كأس كبير وشويه يمكن ملعقه سميد
1 كأس صغير سكر
1 كأس صغير زيت
الطريقه لعمل البسبوسة :
نخلط كل المقادير مع بعض ماعدا السميد والبكم البودر بالخلاط اليدوي
حتى تمتزج مع بعض
ثم نضيف السميد والبكم بودر ونخلطهم خفيف
هنا لما خلط المقادير مع بعض
ندهن الصينيه بالزيت
ثم نضع الخليط وشكله ثقيل ونرتب سطحه بقليل من الزيت
بعد ما وضعتها في الصنية
نحدد بالسكين على الوجه ونضع حبات الصنوبر او اللوز
وندخلها الفرن الساخن مسبقا
ثم نهدئ النار على 160 تقريبا بالرف الوسط
تاخذ يمكن ثلث ساعه من تحت وفوق
ثم نخرجها ونسقيها بالشيرة بس مو كثير يمكن ثلاثه ارباع الكاس او اقل
على حسب طلبكم للسكر
ونغطيها بالقصدير ثم تقطع او تدخل الثلاجه لحين تقديمها
