طريقة صينية الدجاج بالخضروات بالفرن بالصور
بواسطة: غناتي
تاريخ الوصفة: 26/06/2016
بنسوي صينية دجاج بالخضروات بتاكلون ايديكم والبايركس وراها
يالله نـــبدأ بمقادير عمل صينية الدجاج بالخضروات :
- جزر مبشور . .
- جنبة موزيرلا مبشوره . .
- زهره مقلايّه . .
- ماجي . .
- بصل مقطع شرائح . .
- فلفل اخضر شرائح . .
- فص ثوم . .
- صدور دجاج . .
- ملح . .
- فلفل . .
- بابريكا . .
- كركم . .
- بهارات مشكله . .
- مشروم ( الأفضل الطازج . . بس ماكان متوفر عندي
)- كريمة خفق . .
الطريقة لعمل صينية الدجاج بالخضروات :
نكون مطلعين صدور الدجاج قبل بفتره اغسلها . .
اقطعها شرائح بالطول . . وابدا أتبلها بالبهارات اللي عندي او اي شي انتو تحبونه . .
ادخلها الفريزر نص ساعه . .
من بعدها اجيب طحين واحط عليه بربيكا واغطي صدور الدجاج فيه . .
وأبدا أقليها . .
أنشفها من الزيت واخليها ع جمب . .
وأبدا اشتغل ع الحشوه . .
اسخّن الزيت وأبدا اشوّح البصل + الفلفل الأخضر + الثوم . .
تقدرون تستخدمون اي لون من الفلفل انتو حابينه . .
اضيف بقيّه الخضروات . .
واحط عليها البهارات + البابريكا مع الماجي . .
وعقبها اضيف الزهره وكريمة الخفق . .
اجيب صينية البايركس . . واصف فيه صدور الدجاج المقليه . .
امي تقول لو نقصه اصغر عن كذا احسن
اضيف ع الدجاج الحشوه اللي سويناها . .
واغطيهم بالجبن . .
أدخلهم الفرن من فوق وتحت . .
لين ما أشوف الجبن بدا يذوب وخذت لون ذهبي . . أطلعها . .
وبتكون بـ هالشكل . .
وديناها المزرعه حق العشا
تقدرون تاكلونه بروحه والا مع الخبز . .
بس الطعم صدق عجييب مابتندمون جربوها . .
