طريقة حشوة الاقماع بالخضار لذيذه
بواسطة: عبير العميرة
تاريخ الوصفة: 19/06/2016
حشوة للأقماع خضآر بطريقة لذيذه
طريقة عمل الحشوة :
١- نسلق حبتين بطاطس حجم وسط لين تستوي وبعدين نهرسها بالشوكه عشوائي مو شرط تكون ناعمه جداً يعني حلو يكون فيه قطع صغيره .
٢- نجيب تاوه عميقه ونحمس بصل وثوم في زيت لين يذبل وبعدين نضيف فلفل رومي أخضر وأحمر شرائح رفيعه أو فلفل حار وجزر يكون مقطّع صغير جداً .
٣- نضيف ملح وفلفل أسود وأحمر وبهارات ايطاليه وشوي كركم وأي إضافة تحبونها .
٤- نضيف البطاطس + كوب كريمة مع ملعقه كبيره جبن سايل أو على حسب رغبتكم .
٥- نخليه على نار هاديه ونحرّك لين تندمج المكونات وتستوي
٦- لمن نطفّي النار نضيف شوي أوريغانو + نعناع مجفف .
ملاحظة :
١- ممكن تضيفون أي خضار زيادة على حسب الرغبة مثل : ( فاصوليا خضراء ، ذرة ، بازلاء .. الخ ).
٢- ممكن تضيفون شوي شبت مفروم أو كزبره مفرومه إذا طفيتو النار آخر شيء للي يحب .
.
.
وبس بالعآفية على قلوبكم
