طريقة حشوة الاقماع بالدجاج لذيذه
بواسطة: عبير العميرة
تاريخ الوصفة: 19/06/2016
حشوة للأقماع دجآج بطريقة لذيذه
طريقة الحشوة :
١- أول شيء نقطع الدجاج بدون عظم وبعدين نتبّله :
( ملح ، ليمون ، فلفل أسود وأحمر ، وكركم ، وأعشاب إيطاليه ، وثوم مهروس )
وبعدين نخليه ع الأقل ساعه .
بعدين نشوّحه ع التآوه لين يستوي إذا استوى وتحمر مع الجهتين نحطه بصحن لين يبرد بعدين نقطعه بالسكين لقطع صغيره جداً .
٢- نضيف عليه مخلل خيار مقطع أصغر شيء .
٣- وبعدين نضيف فلفل هلابينو طبعاً بعد مانقطعه صغار مره .
٤- ونضيف بصل أخضر + شوي بقدونس مفروم .
٥- نضيف الصوص عباره عن :
( زبادي + عصير ليمونه + ملح + فلفل أسود + صوص الرانش + مايونيز + فص ثوم مهروس حسب الرغبه )
والكميات ممكن تنقصون وتزيدون على حسب رغبتكم .
٦- نضيف بطاطس ليز النكهة اللبنانية لبنة وزعتر تكسّرونه لكسر صغيره مره الصراحه خطير طعمه أحبه مع هالحشوة جرّبوه
٧- تخلطون كل هالمكونآت مع بعض وتحشّونها بالأقمآع
احرصو كل شي يصير مقطع صغير جداً عشان تقدرون تحشون الأقماع للنهاية مايصير آخرها فاضي
.
.
وبس بالعآفيه على قلوبكم
