طريقة شاورما دجاج صاج لذيذة
بواسطة: عبير العميرة
تاريخ الوصفة: 19/06/2016
وأحلى شآورما صآج
شفتو كل الوصفآت اللي نزلتها كوووم وهذي الوصفه كوم ثاني لذيذه ما اقدّر أعبر عن اللذاذه شيء خرآفي ماشاء الله
متأكّده لمن تصلحونها بكره ع الفطور يجي عليها نسف مو طبيعي خاصه من فئة الشباب
- الطريقه لعمل شاورما دجاج صاج :
١- أول شي نجيب الرقائق اللي نستخدمها للسمبوسه ونقسمها مع النص
٢- نسويها على شكل +
٣- نكون مجهّزين :
بطاطس مسلوق ومهروس مع شوي : جبن سايل + رشة ملح وأعشاب إيطاليه وشوي بقدونس وكزبره مفرومه وشوي فلفل حار ( على حسب الرغبه ) .
٤- ونجهّز شآورما ألذ شآورما أحب أصلّحها ومقاديرها :
- ٤ قطع صدور بدون جلد تطرقونها لين تصير مره رقيقه ونتبلها
- التتبيله :
( نصف عصير برتقال والنصف الثاني نقطعه مكعبات مع القشر ونحطهم بالخلاط .
نصف عصير ليمون والنصف الثاني نقطعه مكعبات مع القشر ونخلطهم بالخلاط .
وملعقه صغيره لكل من :
كركم + كمون + ثوم بودره + زنجبيل بودره + بابريكا + قرفه مطحونه + ملح + نصف كوب لبن قليل الدسم أو علبة زبادي قليل الدسم . )
. - الطريقه لعمل شاورما دجاج صاج :
نخلطهم بالخلاط ونضيفهم على قطع الدجاج ونتركهم بالثلاجه ٢٤ ساعه .
بعدين نطلعهم من الثلاجه ونضيف عليهم كوب ماء فاتر ونخليهم على جمب لين يصير الدجاج بدرجة حرارة المطبخ وبعدين نجيب صينية الفرن او صياني حوافها رفيعه ونروح للدجاج ونحاول نتخلّص من الماء ونصفه جمب بعض وندهن وجه الدجاج بالزيت وندخلهم للفرن من فوق بس
والرف حق الفرن نرفعه لأعلى شي ( فيه بنات يقولون كيف يستوي الدجاج ؟ راح يستوي بسرعه لان الطبقه رقيقه جداً اذا شفتو الدجاج انكمش وتحمر معناته استوى يمكن ١٠ دقايق تزيد وتنقص حسب حرارة الفرن .
نشيل الدجاج من الزيت ونجمّعه على لوح التقطيع فوق بعض ونقطعه عشوائي .
.
وبعدين نحطه ع البطاطس المهروس ونقفل الرقآئق و نمسح ع الحواف ببياض بيض عشان يمسك او خلطة طحين وماء اللي يريّحكم .
وبعدين ع الصاج او تجيبون صينية فرن تحطون فيها شوي وتخلونه يتحمّر من تحت ثمن تقلبونه وخلصنا ، وتقدّمونه من الفرن للمائده ضروري وتقدّمون معه مخلل خيار + صوص ثوم + أو مايونيز على راحتكم وأهم شي الشطه :.
.
و جعله بألف عافيه على قلوبكم يارب
