طريقة حلى ام علي بالبف باستري

طريقة حلى ام علي بالبف باستري


من الحلويات اللذيذه اللي ما أقاومها حلى ام علي وأنا إذا حبيت شيء من قلب أبدّع فيه

طبعاً الوصفه اقتبستها من الشيف : منال العالم مع بعض التغييرات وضروري تجربونها
.
.
الطريقه لعمل حلى ام علي :

١- عجينة البف باستري تجي ١٠حبات استخدمها كلها أحطها بصينيه واغززها بالشوكه وأحط فوقها صينيه ثانيه وأدخلها الفرن لين تتحمص وتاخذ لون ذهبي .

٢-بعدين أفتتها بشكل عشوائي في صحن
وأضيف لها المكسرات : ( بندق محمص مجروش + لوز شرائح محمص + جوز الهند ناعم وأحياناً اذا كان متوفر عندي جوز الهند الرطب ياسلام عشق يكون ألذ بالنسبه لي )
طبعاً المكسرات على حسب الذوق اللي يعجبك حطيه واللي مايعجبك احذفيه .

٣- في قدر ع النار :
٤ أكواب حليب طازج كامل الدسم .
+ ٢٥٠ مل من قشطة قيمر .
+ ثلاث أرباع كوب سكر .
+ م ص فانيلا ( حسب الرغبه ) يعطي نكهه حلوه .
ونحركهم بالسلك اليدوي لين يتمازجون ويغلي الخليط .

٤- إذا بدى يغلي أضيف البف باستري مع المكسرات وأخليه شوي يتشرّب الخليط .

٥- وبعدين اذا حبيتي تقدمينها بصينيه كبيره حطي الخليط كله أو وزّعيه بصحون فرديه وبعدين دخليها الفرن وشغليه من تحت وخليها ثلث ساعه تقريباً .

٦- وبعدين نطلعها من الفرن و نحط ع الوجه رشة قرفه مطحونه وشوي من قشطة القيمر نغطّي الوجه كامل بالقشطه ونرشها فستق مبشور أو شرائح وبعدين ندخلها الفرن تتحمر من فوق وأول ماتطلع نرش عليها شوي جوز هند ناعم ونجملها على حسب الرغبه . .

و نقدّم حلى ام علي دآفيه لذيذه لذآذه ماحصلتشي

وجعلها بالعافيه مقدماً على قلوبكم