طريقة فطاير الصاج القطنية اللذيذة

طريقة فطاير الصاج القطنية اللذيذة


جايبة طريقة فطاير الصاج اتبعوا نفس الطريقة وبتعطيكم نتيجة رائعة وفطاير قطنية
وان شاء الله بتعتمدونها..

الفطاير لازم تتخمر بعد ماتفردونها وبعد ماتحشونها.. ضروري تنتبهون لهالنقطة..وهي السرفي انها تكون هشة..

تعالوا نشوف طريقى عمل فطاير الصاج وخطواتها بالتفصيل :

هي نفسها طريقة الفطاير اللي كتبت طريقتها قبل..نسيت اقولكم حطوا ملعقة صغيرة بكنج بودر تعطي للعجينة طراوة خيالية..
جربوا هالمقادير ان شاء الله بتضبط معكم

١_كاس ماء دافي في وعاء العجن ..

٢_نضيف له ملعقة سكر وملعقة كبيرة خميرة فورية وملعقة صغيرة بكنج بودر ونحرك ..

٣_ نضيف ملعقتين حليب بودر..وملعقتين زبادي،ربع الكاس زيت

٤_ اخيرا كاسين ونصف دقيق قابل للزيادة..ونعجن زين وكل ماطولت بالعجن..كانت النتيجة افضل..

٥_تترك العجينة مغطاة في مكان دافي نصف ساعة أوأكثر ..

٦_ تقطع العجينة وتكور ثم تفرد وتخفف الفرد لانها راح ترتفع وتخمر مرة ثانية وتكون مغطاة ..ثم تحشى وتغلق وتترك مدة عشر دقايق إضافية عشان ترجع العجينة طرية اكثر..وتنفش ماتكون عجين بعد النضج..

٧_توضع الفطاير بالخبازة او الفرن لمدة دقيقة او دقيقتين لماتنضج وتتحمر من تحت وفوق..

٨_ تترك لتدفئ ثم تقدم وبالف عافية

الحشوات اللي استخدمتها:

حشوة اللبنة والجبن الموزاريلا
حشوة الدجاج والخضار
حشوة البيتزا..
وهنا صورة فطاير اللبنة والجبن..باين اللذاذة


جربوها وان شاء الله بتعتمدونها