طريقة حلى الحور سهل وسريع ولذيذ
بواسطة: نوره البليهد
تاريخ الوصفة: 18/06/2016
حلى الحور..لذيذ مررة جربوه..ان شاء الله بيعجبكم وخلوا بنوتاتكم يشاركونكم في اعداده بينبسطوا عليه.. لانه حلى مرة سهل
الطريقة لعمل حلى الحور :
_ علبة ونصف بسكويت دايجستف مقاس ٤٠٠ج يكسر صغير ونخليه على جنب
_ نخلط بطاسة ثانية(٤مغلفات من الدريم ويب+ علبة قشطة تاج او..+ ٥ملاعق حليب بودر+ ٥ملاعق كاكاو بودر+ربع كاس سكر+ربع كاس ماء)نخلطه مع بعض
_يسكب الخليط على البسكويت ويقلب ثم يوضع في قالب مفكك وسط ويساوى..
_ممكن بهالوقت يزين الحلا بالنوتيلا..او بخليط علبة قشطة مع ٣حبات مارس في حمام مائي ويزين ..
_يدخل الثلاجة من ٣الى٤ساعات.. ثم يقدم وبالعافية
ملاحظة :
ممكن تطبقونه ببسكويت الشاي..بس دايجستف الذذذ
بعد التقطيع ممكن تبدعون اكثر..
في اكثر من فكرة
تقدرون تخلطون اكثر من نوع مثلا اوريو وبسكويت جوزاء ودايجستف
ممكن نخليه حلا بارد نقلل كمية البسكويت والخليط ونضيف خليط تشيز كيك فوقه ويزين وبكذا بكون حلى عشاء بارد..
