حلى الكيك البارد سهل وسريع ولذيذ
بواسطة: نوره البليهد
تاريخ الوصفة: 18/06/2016
طريقة حلى الكيك البارد :
اول شي نصب ماء مغلي اقل من نصف الكوب ونضيف له كيسين شاي تعليقة ..ونخليه على جنب.
طبقة الكيك:
نخفق بيضتين ثم نضيف ربع كوب زيت ثم الشاي الخادر الي خليناه على جنب..ونضيف كيسين شاي غير اللي استخدمناهم.. نفكهم من الكيس ونضيفهم على الخليط ثم نضيف نصف كرتون من خليط بيتي كروكربالفانيليا ..ونخلط الجميع ونصب الخليط في قالب مفكك وعلى الفرن مسبق التسخين ودرجة حرارة١٨٠ولمدة تقريبا ٢٠دقيقة..
تخرج الكيكة من الفرن وتترك لتبرد..،
.
خليط الكريمة:
نغلي نصف كوب ماء على النار ونضيف له كيسين تعليقة وربع علبة حليب مكثف العادي مثل بوني او اي نوع ونتركه على النار دقايق ثم نبعده ونخليه يبرد... بالخلاط علبة جبن فيلادلفيا٢٠٠ج وعلبة قشطة وملعقتين توفي اي نوع..وربع كوب كريمة خفق وكيسين دريم ويب.
نضيف الحليب مع الشاي اللي غليناه للخليط.. ونخلط ..اخر شي نضيف ملعقة طعام جيلاتين الى نصف بيالة موية مغلي ونحرك بسرعة عشان يذووب..ونتركه يدفى.
ثم يضاف للخليط..نسكب خليط الكريمة على الكيك وبالفريزر ساعة وبعدين بالثلاجة من ٦الى٨ ساعات
ويقدم وبالعافية
